പേരാമ്ബ്ര കടിയങ്ങാട് സ്വദേശിയും മൈസൂർ റീജിയണല് ഇൻസ്റ്റിറ്റ്യൂട്ടിലെ എംഎസ്സി അവസാന വർഷ വിദ്യാർഥിയുമായ കല്ലൂർ ഹൗസില് അഞ്ജല ഫാത്തിമ നിര്യാതയായി.ഭക്ഷ്യവിഷബാധയെ തുടർന്ന് കരളിൻ്റെ പ്രവർത്തനം തകരാറിലായ അഞ്ജലയെ കഴിഞ്ഞ ദിവസം കോഴിക്കോട്ടെ സ്വകാര്യ ആശുപത്രിയില് പ്രവേശിപ്പിച്ചിരുന്നു.
കരള് മാറ്റിവയ്ക്കേണ്ട സാഹചര്യത്തില് മൃതസഞ്ജീവനി പദ്ധതിയുടെ ഭാഗമായി തിരുവനന്തപുരത്തെ ആശുപത്രിയില് നിന്നും മസ്തിഷ്ക മരണം ബാധിച്ച ഒരാളുടെ കരള് ലഭിക്കാൻ സാധ്യതയുണ്ടെന്ന വിവരം ലഭിച്ചിരുന്നെങ്കിലും പിന്നീട് യോഗ്യമല്ലെന്ന് പരിശോധനകളില് ബോധ്യമായതോടെ ശ്രമം ഒഴിവാക്കുകയായിരുന്നു. പിന്നീട് ഇന്നലെ വൈകിട്ടോടെയാണ് മരണം.
കേരള സ്കൂള് ടീച്ചേഴ്സ് യൂണിയൻ (കെഎസ്ടിയു) സംസ്ഥാന ജനറല് സെക്രട്ടറിയും മുസ്ലിം ലീഗ് പേരാമ്ബ്ര നിയോജക മണ്ഡലം വൈസ് പ്രസിഡന്റുമായ മുഹമ്മദലിയുടെയും അധ്യാപികയായ സബീന കൊടക്കല് ( കൂത്താളി എയുപി സ്കൂള് ) ന്റെയും മകളാണ്. സഹോദരങ്ങള് അംന സയാൻ (പിജി വിദാർഥി )അല്ഹ ഫാത്തിമ (വിദ്യാർഥി നൊച്ചാട് ഹയർ സെക്കന്ഡറി സ്കൂള്).
