മന്ത്രിമാറ്റ നീക്കം നടക്കാത്തതില് കടുത്ത അതൃപ്തിയിലായിരുന്നു പി സി ചാക്കോ എന്സിപി സംസ്ഥാന അധ്യക്ഷ സ്ഥാനം രാജിവച്ചു.ദേശീയ അധ്യക്ഷന് ശരത് പവാറിനാണ് ചാക്കോ രാജിക്കത്ത് കൈമാറിയത്.
സംസ്ഥാന അധ്യക്ഷ സ്ഥാനം ഒഴിയാമെന്ന് ചാക്കോ നേരത്തേ നേതാക്കളോട് പറഞ്ഞിരുന്നു. പാര്ട്ടിയുടെ മന്ത്രിയെ പാര്ട്ടിക്ക് തീരുമാനിക്കാന് കഴിയാത്ത സ്ഥിതിയാണെന്ന് ചാക്കോ നേതാക്കളോട് പറഞ്ഞിരുന്നു. പ്രസിഡന്റ് സ്ഥാനമൊഴിഞ്ഞെങ്കിലും ദേശീയ വര്ക്കിങ് പ്രസിഡന്റായി തുടരും. മന്ത്രിമാറ്റത്തില് പി സി ചാക്കോ അനാവശ്യ ചര്ച്ചയുണ്ടാക്കുകയാണെന്ന് എ.കെ ശശീന്ദ്രന് ആരോപിച്ചിരുന്നു.
തുടക്കത്തില് ശശീന്ദ്രനൊപ്പം നിന്ന ചാക്കോ പിന്നീട് തോമസ് കെ. തോമസിനെ മന്ത്രിയാക്കണമെന്ന നിലപാട് സ്വീകരിക്കുകയായിരുന്നു. എന്നാല് തോമസ് കെ. തോമസ് ചില ഇടത് എംഎല്എമാരെ അജിത് പവാര് പക്ഷത്തേക്ക് കൊണ്ടുപോകാന് ശ്രമിച്ചത് തിരിച്ചടിയായി. എന്സിപി ദേശീയ നേതൃത്വം മന്ത്രിമാറ്റത്തിന് പിന്തുണ അറിയിച്ചെങ്കിലും തോമസ് കെ. തോമസിനെ മന്ത്രിയാക്കാന് മുഖ്യമന്ത്രി വിസമ്മതിക്കുകയായിരുന്നു.
