മുംബൈ:ഞായറാഴ്ച 39 മന്ത്രിമാരുടെ സത്യപ്രതിജ്ഞയ്ക്ക് ശേഷം, അടുത്ത രണ്ട് മൂന്ന് ദിവസത്തിനുള്ളിൽ പുതിയ മന്ത്രിമാർക്ക് വകുപ്പുകൾ അനുവദിക്കുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് ഞായറാഴ്ച പറഞ്ഞു.
സംസ്ഥാന നിയമസഭയുടെ ശീതകാല സമ്മേളനത്തിന് മുന്നോടിയായി നാഗ്പൂരിൽ നടത്തിയ വാർത്താ സമ്മേളനത്തിൽ സംസാരിക്കവെ, എല്ലാ മന്ത്രിമാരുടെയും പെർഫോമൻസ് ഓഡിറ്റ് നടത്തുമെന്നും എല്ലാവരും നല്ല രീതിയിൽ പ്രവർത്തിക്കണമെന്നും ഫഡ്നാവിസ് ഊന്നിപ്പറഞ്ഞു.
ഫഡ്നാവിസ് വിശദീകരിച്ചു, “മഹായുതി സഖ്യത്തിൻ്റെ മൂന്ന് നേതാക്കളും (ഫഡ്നാവിസ്, ഷിൻഡെ, പവാർ) ഓരോ മന്ത്രിയുടെയും കാലാവധി രണ്ടര വർഷമായിരിക്കും,നേരത്തെ നടന്ന എൻ്റെ ആദ്യ മന്ത്രിസഭാ യോഗത്തിലാണ് ഞാൻ ഇക്കാര്യം അറിയിച്ചത്. നല്ല രീതിയിൽ പ്രവർത്തനം നടത്തുന്നതിൽ പരാജയപ്പെടുന്നവരെ കാലാവധി അവസാനിക്കുന്നതിന് മുമ്പ് മാറ്റുമെന്നും അദ്ദേഹം കൂട്ടിച്ചേർത്തു.
