
ഡിസംബറിനു മരണത്തിന്റെ തണുപ്പ്, പതിഞ്ചു ദിവസങ്ങള്ക്കിടടെ ഇരുപതിലേറെ പേര് സംസ്ഥാനത്ത് വിവിധ വാഹനാപകടങ്ങളിലായി മരിച്ചു എന്നു കേള്ക്കുമ്ബോളാണു ദുരന്തത്തിന്റെ വ്യാപ്തി എത്രയുണ്ടെന്നു മനസിലാവുക.മൂന്നു പേരില് കൂടുതല് മരിച്ച മൂന്ന് അപകടങ്ങളാണു രണ്ടാഴ്ച കൊണ്ട് ഉണ്ടായത്. അതില് ഒടുവിലത്തേതാണു പത്തനംതിട്ട മുറിഞ്ഞകല്ല് ജംങ്ഷനില് ഉണ്ടായ അപകടത്തില് ഒരു കുടുംബത്തിലെ നാല് പേര് മരിച്ചത്.
ആലപ്പുഴ കളര്കോട് ജങ്ഷനില് ഉണ്ടായ വാഹനാപകടം

ഡിസംബര് ആരംഭിച്ചത് ആലപ്പുഴ കളര്കോട് ജങ്ഷനില് ഉണ്ടായ വാഹനാപടത്തില് ആറു മെഡിക്കല് വിദ്യാര്ഥികള് മരിച്ചെന്ന നടുക്കത്തോടെയാണ്. എല്ലാവരും പഠനത്തില് മിടുക്കരില് മിടുക്കരായ വിദ്യാര്ഥികള്.ഡിസംബര് രണ്ട് തിങ്കളാഴ്ച രാത്രി സുഹൃത്തുക്കള് ചേര്ന്നു സിനിമ കാണാന് പുറപ്പെട്ട യാത്ര ദുരന്തയാത്രയാവുകയായിരുന്നു. 11 പേരുമായി സഞ്ചരിച്ച കാര് കെ.എസ്.ആര്.ടി.സി ബസിലേക്ക് പാഞ്ഞുകയറി അഞ്ചുപേര് തക്ഷണം മരണപ്പെട്ടു.
ദിവസങ്ങള് കഴിയും മുന്പേ ഗുരുതരമായി പരുക്കേറ്റ ഒരു വിദ്യാര്ഥികൂടി മരണത്തിനു കീഴടങ്ങി. വാഹനത്തില് കൂടതല് ആളുകള് കയറി, വാഹനത്തിന്റെ കാലപ്പഴക്കം, മോശം കാലവാസ്ഥ എന്നവിയെല്ലാം മരണത്തിലേക്ക് നയിച്ച കാരണങ്ങളായി.
ആലപ്പുഴ എടത്വ സ്വദേശി ആല്ബിന് ജോര്ജ്, പാലക്കാട് സ്വദേശി ശ്രീദേവ് വത്സന്, മലപ്പുറം കോട്ടക്കല് സ്വദേശി ദേവനന്ദന്, കണ്ണൂര് സ്വദേശി മുഹമ്മദ് അബ്ദുല് ജബ്ബാര്, ലക്ഷദ്വീപ് സ്വദേശി മുഹമ്മദ് ഇബ്രാഹിം, കോട്ടയം സ്വദേശി ആയുഷ് ഷാജി എന്നിവരാണ് അപകടത്തില് മരിച്ചത്.ആലപ്പുഴ മെഡിക്കല് കോളജിലെ ഒന്നാം വര്ഷ എംബിബിഎസ് വിദ്യാര്ഥികളായിരുന്നു എല്ലാവരും. കാറിലുണ്ടായിരുന്ന മറ്റുള്ളവര് ചികിത്സയില് തുടരുകയാണ്.
കല്ലടിക്കോട് സ്കൂള് വിദ്യാര്ഥികളുടെ മരണം

മൂന്നു ദിവസം മുന്പാണ് പാലക്കാട് കല്ലടിക്കോടില് സ്കൂള് വിദ്യാര്ഥികള്ക്കു നേരെ ലോറി ഇടിച്ചു കയറി നാല് വിദ്യാര്ഥികള് മരണപ്പെട്ടത്. സംഭവസ്ഥലത്തു വച്ചു തന്നെ വിദ്യാര്ഥികള് മരിച്ചിരുന്നു.കരിമ്ബ ഹയര് സെക്കന്ഡറി സ്കൂളിലെ എട്ടാം ക്ലാസ് വിദ്യാര്ത്ഥികളാണ് അപകടത്തില്പ്പെട്ടത്.പരീക്ഷ കഴിഞ്ഞ് മടങ്ങുകയായിരുന്ന വിദ്യാര്ഥികള്ക്കു നേരെ നിയന്ത്രണംവിട്ടുവന്ന സിമന്റ് ലോറി ഇവരുടെ ദേഹത്തേയ്ക്ക് മറിയുകയായിരുന്നു. ഇര്ഫാന, നിദ, റിദ, ആയിഷ എന്നിവരാണു മരിച്ചത്. ഒപ്പമുണ്ടായിരുന്ന ഒരു കുട്ടി അത്ഭുതകരമായി രക്ഷപെടുകയും ചെയ്തു.
കോന്നിയില് വാഹനപകടം

വിദ്യാര്ഥികളുടെ മരണം ഉണ്ടാക്കിയ നടുക്കം വിട്ടുമാറും മുന്പാണ് പത്തതനംതിട്ടയില് നിന്നു മറ്റൊരു ദുരന്ത വാര്ത്ത കൂടി വരുന്നത്. പുനലൂര് മൂവാറ്റുപുഴ സംസ്ഥാനപാതയില് സ്ഥിരം അപകട മേഖലയില് വീട്ടില് നിന്ന് വെറും ഏഴ് കിലോമീറ്റര് അകലെവച്ചാണ് അപകടമുണ്ടായത്.മുറിഞ്ഞകല്ല് ജങ്ഷന് സമീപത്തുള്ള ഗുരുമന്ദിരത്തിന് മുന്നില് വച്ചുണ്ടായ അപകടത്തില് മലേഷ്യയില് മധുവിധു ആഘോഷിച്ച് മടങ്ങിയ നവ ദമ്ബതികള് അടക്കമുള്ളവരാണ് മരിച്ചത്.
മല്ലശ്ശേരി സ്വദേശികളായ മത്തായി ഈപ്പന്, അനു, നിഖില്, ബിജു പി ജോര്ജ് എന്നിവരാണ് മരിച്ചത്. കാനഡയില് ജോലി ചെയ്തിരുന്ന നിഖില് അനുവിനെ ഒപ്പം കൊണ്ട് പോകാനുള്ള ശ്രമങ്ങള്ക്കിടെയാണ് അപകടം.
തിരുവനന്തപുരം എയര്പോര്ട്ടില് നിന്ന് നവദമ്ബതികളെ വീട്ടിലേക്ക് വിളിച്ചു കൊണ്ടുവരുന്നതിനിടയിലുണ്ടായ അപകടത്തില് അനുവിന്റെ പിതാവ് ബിജുവും നിഖിലിന്റെ പിതാവ് മത്തായി ഈപ്പനും അടക്കമുള്ളവരാണ് മരിച്ചത്. ഇവര് സഞ്ചരിച്ചിരുന്ന കാര് ശബരിമല തീര്ത്ഥാടകര് സഞ്ചരിച്ച ബസിലേക്ക് ഇടിച്ച് കയറുകയായിരുന്നു.അനു ഒഴികെ ബാക്കിയുള്ളവര് സംഭവ സ്ഥലത്ത് വെച്ച് തന്നെ മരിച്ചു. അനുവിനെ നാട്ടുകാര് കോന്നി താലൂക്ക് ആശുപത്രിയിലെത്തിച്ചിരുന്നു. ആശുപത്രിയില് വെച്ചാണ് അനുവിന്റെ മരണം സ്ഥിരീകരിച്ചത്.
ആന്ധ്രാ സ്വദേശികളായ തീര്ത്ഥാടകരുടെ ബസുമായി കൂട്ടിയിടിക്കുകയായിരുന്നു. അപകടത്തില് മല്ലശേരി സ്വദേശികള് സഞ്ചരിച്ച മാരുതി സ്വിഫ്റ്റ് കാര് പൂര്ണ്ണമായും തകര്ന്നു.കാര് വെട്ടിപ്പൊളിച്ചാണ് കാര് യാത്രക്കാരെ പുറത്തെടുത്തത്. കാറിലുണ്ടായിരുന്ന 3 പേര് സംഭവസ്ഥലത്ത് വെച്ച് തന്നെ മരിച്ചു. പുനലൂര് മൂവാറ്റുപുഴ സംസ്ഥാന പാതയിലാണ് അപകടം.
ചേര്ത്തലയില് ദേശീയപാതയിലുണ്ടായ വാഹനാപകടം

കഴിഞ്ഞ ദിവസം ചേര്ത്തലയില് ദേശീയപാതയിലുണ്ടായ വാഹനാപകടത്തില് ബൈക്ക് യാത്രക്കാരായ രണ്ടു പേര് മരിച്ചിരുന്നു. പട്ടണക്കാട് സ്വദേശി ആര്.ആര് ജയരാജ് (33), തിരുവനന്തപുരം സ്വദേശി ചിഞ്ചു എന്നിവരാണ് മരിച്ചത്.ദേശീയപാതയില് ചേര്ത്തല സെന്റ് മൈക്കിള്സ് കോളജിന് മുന്നിലാണ് അപകടം. കാര് ബൈക്കിലിടിച്ച ശേഷം നിയന്ത്രണം വിട്ട് ഇരുവാഹനങ്ങളും ട്രെയ്ലര് ലോറിയിലിടിക്കുകയായിരുന്നു. ബൈക്ക് യാത്രികര് തല്ക്ഷണം മരണപ്പെട്ടു.
കൊച്ചിയില് വാനും കാറും കൂട്ടിയിടിച്ച് മരണം
ഡിസംബര് 13ന് കൊച്ചിയില് വാനും കാറും കൂട്ടിയിടിച്ച് വാന് ഡ്രൈവറായ വടുതല സ്വദേശി ജോണി മരണപ്പെട്ടിരുന്നു. എറണാകുളം ലോ കോളജിന് മുന്പിലാണ് അപകടം നടന്നത്. കാറിന്റെ അമിത വേഗതയാണ് അപകട കാരണം.
കൊരട്ടൂര്, ചിറ്റൂര് വാഹനപകടം
ബുധനാഴ്ച കൊരട്ടൂരില് ബൈക്ക് വാനുമായി കൂട്ടിയിടിച്ച് 33കാരന് മരിച്ചു. ഫിലിം പ്രൊഡക്ഷന് സ്റ്റുഡിയോയില് ജോലി ചെയ്യുന്ന അമ്ബത്തൂരിനടുത്ത് പുട്ടഗരം സ്വദേശി അരുണ് കുമാര് (33) ആണ് മരണപ്പെട്ടത്.
പാലക്കാട് ചിറ്റൂരില് ഇന്നലെ രാത്രിയില് ബൈക്കും ജീപ്പും കൂട്ടിയിടിച്ചുണ്ടായ അപകടത്തില് മേട്ടുപ്പാളയം സ്വദേശി മരിച്ചിരുന്നു.
കാര്സര്കോട് ബന്തിയോട് ഉണ്ടായ അപകടത്തില് ബി.ജെ.പി. കുമ്ബള മണ്ഡലം സെക്രട്ടറി ധന്രാജ് മരണപ്പെട്ടതും കഴിഞ്ഞ ദിവസമാണ്.
കഴിഞ്ഞ തിങ്കളാഴ്ച കോഴിക്കോട് കൊടുവള്ളിയില് ഉണ്ടായ അപകടത്തില് പ്രമുഖ ടിമ്ബര് വ്യാപാരി പി.കെ. ഇമ്ബിച്ചി മുഹമ്മദ് ഹാജിയും മരണപ്പെട്ടിരുന്നു.