ടൊവിനോ തോമസ്, തൃഷ കൃഷ്ണന് എന്നിവരെ കേന്ദ്ര കഥാപാത്രങ്ങളാക്കി അഖില് പോളും അനസ് ഖാനും ചേര്ന്ന് സംവിധാനം ചെയ്യുന്ന ഐഡന്റിറ്റി എന്ന ചിത്രത്തിന്റെ ടീസര് പുറത്തെത്തി.
ഇന്വെസ്റ്റിഗേഷന് ത്രില്ലര് ഗണത്തില് പെടുന്ന ചിത്രം സ്റ്റൈലിഷ് ലുക്ക് ആന്ഡ് ഫീലിലാവും എത്തുകയെന്ന് സൂചന തരുന്നതാണ് ടീസര്. ഫോറെന്സിക് എന്ന ചിത്രത്തിന് ശേഷം അഖില് പോളിനും അനസ് ഖാനുമൊപ്പം ടൊവിനോ എത്തുന്ന ചിത്രമാണ് ഐഡന്റിറ്റി. രാഗം മൂവീസിന്റെ ബാനറില് രാജു മല്യത്തും കോണ്ഫിഡന്റ് ഗ്രൂപ്പിന്റെ ബാനറില് ഡോ. റോയ് സി ജെയും ചേർന്നാണ് ചിത്രം നിർമ്മിക്കുന്നത്.
വന് വിജയം നേടിയ എആർഎമ്മിന് ശേഷം ടൊവിനോ നായകനായെത്തുന്ന ചിത്രമാണിത്. ലിയോയ്ക്ക് ശേഷം തൃഷയും ഗാണ്ഡീവധാരി അർജുന, ഹനുമാൻ എന്നീ സൂപ്പർ ഹിറ്റുകള്ക്ക് ശേഷം വിനയ് റായ്യും കേന്ദ്ര കഥാപാത്രങ്ങളെ അവതരിപ്പിക്കുന്നു എന്ന പ്രത്യേകതയുമുണ്ട്. പൃഥ്വിരാജിന്റെയും തമിഴ് താരം കാർത്തിയുടെയും ഒഫീഷ്യല് പേജുകളിലൂടെയാണ് ടീസർ പ്രേക്ഷകരുടെ മുന്നിലേക്ക് എത്തിയത്. മികച്ച ദൃശ്യ ഭാഷ പുലർത്തുന്ന ടീസർ പ്രേക്ഷകരെ ആകാംക്ഷയിലാഴ്ത്തുന്ന സംഭാഷണങ്ങളാലും ദൃശ്യങ്ങളാലും സമ്ബന്നമാണ്. ഇൻവെസ്റ്റിഗേഷന് പ്രാധാന്യം നല്കിയൊരുക്കുന്ന ചിത്രമാണ് ഐഡന്റിറ്റി എന്ന് ടീസർ സൂചന നല്കുന്നുണ്ട്. ചിത്രത്തിന്റെ ഓള് ഇന്ത്യ വിതരണാവകാശം റെക്കോർഡ് തുകയ്ക്ക് ശ്രീ ഗോകുലം മൂവീസാണ് സ്വന്തമാക്കിയത്. ബിഗ് ബജറ്റില് ഒരുങ്ങുന്ന ചിത്രം ശ്രീ ഗോകുലം മൂവിസിനു വേണ്ടി ഡ്രീം ബിഗ് ഫിലിംസ് 2025 ജനുവരിയില് തിയറ്ററുകളിലെത്തിക്കും. ജി സി സി വിതരണാവകാശം ഫാഴ്സ് ഫിലിംസാണ് കരസ്ഥമാക്കിയത്. ചിത്രത്തിന്റെ തിരക്കഥ സംവിധായകരായ അഖില് പോളും അനസ് ഖാനും തന്നെയാണ് തയ്യാറാക്കിയിരിക്കുന്നത്.
തൃഷയും ടൊവിനോയും ആദ്യമായ് ഒന്നിക്കുന്ന ചിത്രവുമാണിത്. ചിത്രത്തിലെ മറ്റൊരു സുപ്രധാന വേഷം ബോളിവുഡ് താരം മന്ദിര ബേദിയാണ് കൈകാര്യം ചെയ്യുന്നത്. അജു വർഗീസ്, ഷമ്മി തിലകൻ, അർജുൻ രാധാകൃഷ്ണൻ, വിശാഖ് നായർ തുടങ്ങിയവരും ചിത്രത്തിലുണ്ട്. അഖില് ജോർജാണ് ഛായാഗ്രാഹകൻ. സംഗീതവും പശ്ചാത്തല സംഗീതവും ജേക്സ് ബിജോയിയുടെതാണ്.
എക്സിക്യൂട്ടീവ് പ്രൊഡ്യൂസേഴ്സ്: നിതിൻ കുമാർ, പ്രദീപ് മൂലേത്തറ,
ചിത്രസംയോജനം: ചമൻ ചാക്കോ,
സൗണ്ട് മിക്സിംഗ്: എം ആർ രാജാകൃഷ്ണൻ,
സൗണ്ട് ഡിസൈൻ: സിങ്ക് സിനിമ,
പ്രൊഡക്ഷൻ ഡിസൈൻ: അനീഷ് നാടോടി,
ആർട്ട് ഡയറക്ടർ: സാബി മിശ്ര,
വസ്ത്രാലങ്കാരം: ഗായത്രി കിഷോർ, മാലിനി,
മേക്കപ്പ്: റോണക്സ് സേവ്യർ,
കോ പ്രൊഡ്യൂസേഴ്സ്: ജി ബിന്ദു റാണി മല്യത്ത്, കാർത്തിക് മല്യത്ത്, കൃഷ്ണ മല്യത്ത്,
ആക്ഷൻ കൊറിയോഗ്രഫി: യാനിക്ക് ബെൻ, ഫീനിക്സ് പ്രഭു,
പ്രൊഡക്ഷൻ കണ്ട്രോളര്: ജോബ് ജോർജ്, ചീഫ്
അസോസിയേറ്റ് ഡയറക്ടർ: ബോബി സത്യശീലൻ, സുനില് കാര്യാട്ടുകര,
ഫസ്റ്റ് അസോസിയേറ്റ് ഡയറക്ടർ: അഭില് ആനന്ദ്,
ലൈൻ പ്രൊഡ്യൂസർ: പ്രധ്വി രാജൻ,
വിഎഫ്എക്സ്: മൈൻഡ്സ്റ്റീൻ സ്റ്റുഡിയോസ്,
ലിറിക്സ്: അനസ് ഖാൻ,
ഡിഐ: ഹ്യൂസ് ആൻഡ് ടോണ്സ്,
കളറിസ്റ്റ്: ഷണ്മുഖ പാണ്ഡ്യൻ എം,
സ്റ്റില്സ്: ജാൻ ജോസഫ് ജോർജ്, ഷാഫി ഷക്കീർ,
ഡിസൈൻ: യെല്ലോ ടൂത്ത്,
ഡിജിറ്റല് പ്രൊമോഷൻസ്: അഭില് വിഷ്ണു, അക്ഷയ് പ്രകാശ്,
പിആർഒ & മാർക്കറ്റിംഗ്: വൈശാഖ് വടക്കേവീട്, ജിനു അനില്കുമാർ.
