മുംബൈ:മഹാരാഷ്ട്രയുടെ മുഖ്യമന്ത്രിയെ മഹായുതി ഇതുവരെ പ്രഖ്യാപിക്കാൻ ഇരിക്കുന്നതെ ഉളളൂവെന്നും താൻ മഹാരാഷ്ട്രയുടെ ഉപമുഖ്യമന്ത്രിയാകുമെന്ന വാർത്തകൾ വ്യാജമാണെന്നും ശിവസേനയുടെ കല്യാണിൽ നിന്നുള്ള എംപി ശ്രീകാന്ത് ഷിൻഡെ. ഒരു മന്ത്രിസ്ഥാനത്തിനും താൻ മത്സരിക്കുന്നില്ലെന്നും അദ്ദേഹം പറഞ്ഞു.
തിരഞ്ഞെടുപ്പ് ഫലത്തിന് ശേഷം, സർക്കാർ രൂപീകരണം അൽപ്പം വൈകുന്നു,അതുകൊണ്ടാണ് നിരവധി അഭ്യൂഹങ്ങൾ പരക്കുന്നത്, ഒന്ന് പുതിയ സർക്കാരിൽ ഞാൻ ഉപമുഖ്യമന്ത്രിയാകാൻ പോകുന്നു എന്നതാണ്. ഇത് തികച്ചും അടിസ്ഥാനരഹിതവും തെറ്റുമാണ്, ഇതിൽ ഒരു വസ്തുതയുമില്ലെന്ന് എല്ലാവരോടും പറയാൻ ഞാൻ ആഗ്രഹിക്കുന്നു.
ലോക്സഭാ തിരഞ്ഞെടുപ്പിന് ശേഷം കേന്ദ്രമന്ത്രിസഭയിൽ മന്ത്രിയാകാൻ എനിക്ക് നേരത്തെ തന്നെ അവസരം ലഭിച്ചിരുന്നു, പക്ഷേ പാർട്ടി സംഘടനയ്ക്ക് വേണ്ടിയാണ് ഞാൻ പ്രവർത്തിച്ചത്.അത് ഇപ്പോഴും അങ്ങനെയാണ്, എനിക്ക് അധികാരത്തിൽ മോഹമില്ല,” ശ്രീകാന്ത് ഷിൻഡെ എക്സിൽ കുറിച്ചു.
