ബാറിലെ കറിക്കാരനായിരുന്ന അങ്ങാണോ സന്യാസി? ഗായത്രീ മന്ത്രം ചൊല്ലാന്‍ അറിയുമോ? ചിക്കൻ കറി എങ്ങനെ ഉണ്ടാക്കാമെന്ന് ഇൻസ്റ്റാഗ്രാമിൽ കുറച്ചുകാലം മുമ്പ് വീഡിയോ ഇട്ട ആളല്ലേ? സദാനന്ദപുരം ആശ്രമത്തില്‍ എത്തിയ ഗണേഷ് കുമാറിന്റെ ചോദ്യങ്ങൾക്ക് മുമ്പിൽ പകച്ച് ‘സന്യാസി’ – വീഡിയോ കാണാം.

ആശ്രമത്തില്‍ സ്വാമിയുടെ താമസ സ്ഥലത്തെത്തിയ അക്രമി കതക് പൊളിച്ച്‌ അകത്തുകടന്നു, ശബ്ദംകേട്ടെത്തിയ സ്വാമിയുടെ മുഖത്തെ കണ്ണാടി തട്ടിക്കളഞ്ഞശേഷം മുളകുപൊടി മുഖത്തേക്ക് എറിഞ്ഞു. കഴുത്തിന് കുത്തിപ്പിടിച്ച്‌ മുഖത്തും മുതുകത്തുമടക്കം മര്‍ദ്ദിച്ചുവെന്നാണ് സ്വാമി പൊലീസിന് നല്‍കിയ പരാതി. കൊട്ടാരക്കര പൊലീസ് കേസെടുത്തു. എന്നാല്‍ രാമാനന്ദ ഭാരതിയെ ആക്രമിച്ചുവെന്നത് വ്യാജ പരാതിയാണെന്നും നിജസ്ഥിതി അന്വേഷിക്കണെന്നും ആവശ്യപ്പെട്ട് ആശ്രമ മഠാധിപതി സ്വാമി ചിദാനന്ദ ഭാരതി റൂറല്‍ എസ്.പിക്ക് പരാതി നല്‍കിയിട്ടുണ്ട്.

ഇതിനിടെയാണ് മന്ത്രിയും സ്ഥലത്ത് എത്തിയത്. മന്ത്രി സ്ഥലത്ത് എത്തിയപ്പോള്‍ രാമാനന്ദ ഭാരതിയുടെ അനുയായി ആണ് സ്ഥലത്ത് ഉണ്ടായിരുന്നത്. ഇതോടെയാണ് ഗണേഷ്‌കുമാര്‍ ചോദ്യങ്ങള്‍ ഉയര്‍ത്തിയത്. ബാറിലെ കറിക്കാരനായിരുന്ന അങ്ങാണോ സന്യാസിയെന്നാണ് ഗണേഷ് ചോദിച്ചത്. ഗായത്രീ മന്ത്രം ചൊല്ലാന്‍ അറിയുമോ എന്നു ചോദിച്ചതോടെ അതും അറിയില്ലായിരുന്നു. കുറച്ചുകാലം മുമ്ബ് ചിക്കന്‍കറി എങ്ങനെ വെക്കാമെന്ന് ഇന്‍സ്റ്റാഗ്രാമില്‍ വീഡിയോ പോസ്റ്റു ചെയ്തതെന്നും മന്ത്രി പറഞ്ഞു. ഇതെല്ലാം ജനങ്ങള്‍ മനസ്സിലാക്കേണ്ട കാര്യമാണെന്നും അദ്ദേഹം വ്യക്തമാക്കി? സന്ന്യാസിക്ക് ഇനി മിനിമം യോഗ്യത വേണ്ടെയെന്നു ഗണേഷ് ചോദിച്ചു.

സദാനന്ദപുരം ആശ്രമത്തിലെ അന്തേവാസികള്‍ ആരൊക്കയാണെന്നും മന്ത്രി തിരക്കി. കൃത്യമായ അന്വേഷണം നടത്തണമെന്നും ആശ്രമവുമായി ബന്ധപ്പെട്ട ആളുകളല്ലാത്തവരെ പൊലീസ് ഇടപെട്ട് ആശ്രമത്തില്‍ നിന്ന് പുറത്താക്കണെമന്നും മന്ത്രി ഡിവൈ.എസ്.പിക്ക് നിര്‍ദ്ദേശം നല്‍കി. ആശ്രമവുമായി റോളില്ലാത്ത എല്ലാവരെയും പുറത്താക്കണം. സാമൂഹ്യവിരുദ്ധ പ്രവര്‍ത്തനങ്ങള്‍ തടയണമെന്നും മന്ത്രി നിര്‍ദേശിച്ചു. മുതിര്‍ന്ന സ്വാമിയെ തിരുവനന്തപുരത്തു കൊണ്ടുപോയി ഹണി ട്രാപ്പില്‍ കുടുക്കാനാണ് ശ്രമിച്ചതെന്നും ഇതുമായി ബന്ധപ്പെട്ട ഓഡിയോ തന്റെ പക്കല്‍ ഉണ്ട്. ഒരു സിനിമാ താരത്തിന്റെ അമ്മയുടെ കൂടെ ഡ്രൈവറും പാചകക്കാരനുമായി നിന്ന ഒരാളാണ് സ്വാമിയായി ധീക്ഷ സ്വീകരിച്ചതെന്നും ഗണേഷ് കുമാര്‍ മാധ്യമങ്ങളോട് പറഞ്ഞു.