മദ്യപിച്ച് വാഹനമോടിച്ച് പിടിയിലായെന്ന വാർത്തകള്ക്ക് പിന്നാലെ പുതിയ വീഡിയോയുമായി ഹെലൻ ഓഫ് സ്പാർട്ട എന്നറിയപ്പെടുന്ന എസ്ആർ ധന്യ.ഞാൻ ജയിലില് അല്ല. ഞാനെന്റെ പഞ്ചില് ഇരിക്കുകയാണ്. അച്ഛനേയും അമ്മയേയും വിളിച്ച് ബുദ്ധിമുട്ടിക്കരുത്. നിലവില് ഡിവൈഎസ്പി ഓഫീസില് എത്തിയിരിക്കുകയാണ് ഇവിടെ ഒരു ആവശ്യത്തിന് വന്നിരിക്കുകയാണ്.
എല്ലാരും കൂടെ അച്ഛനേയും അമ്മയേയും വിളിച്ച് ബുദ്ധിമുട്ടിക്കരുതെന്നുമാണ് അല്പ നേരം മുൻപ് ഇൻസ്റ്റഗ്രാമിലൂടെ പുറത്ത് വിട്ട വീഡിയോയില് എസ്ആർ ധന്യ അവകാശപ്പെടുന്നത്. വാഹന പരിശോധനയ്ക്കായി പൊലീസ് കൈ കാണിച്ചപ്പോള് കാർ നിർത്താതെ അമിത വേഗത്തില് ഓടിച്ച് പോവുകയായിരുന്നു. കാറിനെ പിന്തുടർന്നെത്തിയാണ് പൊലീസ് ഇവരെ പിടികൂടിയത്. ബന്തിയോട് ഭഗവതി നഗറില് വെച്ചാണ് പൊലീസ് ധന്യയെ പിടികൂടിയത്.
നാഷണല് ഹൈവേ 66ല് റോഡിന് നടുവിലായി വാഹനം നിർത്തിയിടുകയും ഇതുകണ്ട് പൊലീസ് എത്തിയപ്പോള് അമിത വേഗത്തില് വാഹനം ഓടിച്ചുപോകുകയും ചെയ്തതായാണ് എഫ്ഐആറില് പറയുന്നു. പിന്തുടർന്നെത്തിയ പൊലീസ് ബന്തിയോട് ഭഗവതി നഗറില് വെച്ചാണ് ഇവരെ പിടികൂടിയത്. പരിശോധനയില് മദ്യപിച്ചാണ് ധന്യ വാഹനമോടിച്ചതെന്ന് തെളിഞ്ഞു. പിഴ ഈടാക്കിയ ശേഷം വിട്ടയച്ചെന്നാണ് ലഭ്യമാകുന്ന വിവരങ്ങള്.
