കുംഭമേളയിലൂടെ സമൂഹ മാധ്യമങ്ങളില് വൈറലായ മോണാലിസ പൊലീസ് സഹായം തേടി തിരുവനന്തപുരത്ത്. അച്ഛനില് നിന്ന് രക്ഷിക്കണമെന്ന പരാതിയുമായി അഭയം തേടി.തമ്ബാനൂർ പൊലീസ് സ്റ്റേഷനിലാണ് അഭയം തേടിയത്. വീട്ടുകാർ പ്രണയം എതിർത്തതോടെയാണ് കാമുകനോടൊപ്പം മൊണാലിസ ഭോസ്ലെ കേരളത്തിലെത്തിയത്.
മഹാകുംഭമേളയിലൂടെ സോഷ്യല് മീഡിയയില് തരംഗമായ പെണ്കുട്ടിയാണ് മൊണാലിസ ഭോസ്ലെ. പ്രയാഗ്രാജിലെ കുംഭമേളയില് രുദ്രാക്ഷ മാലകള് വിറ്റിരുന്ന മൊണാലിസയുടെ വീഡിയോ വൈറലായതോടെയാണ് ലോകശ്രദ്ധ നേടിയത്. പ്രശസ്തി ഉപദ്രവമായി മാറിയപ്പോള്, അച്ഛൻ അവളെ നാടായ ഇൻഡോറിലേക്ക് പറഞ്ഞുവിടുകയും ചെയ്തിരുന്നു. പിന്നാലെ സിനിമാ അവസരങ്ങളും മൊണാലിസയെ തേടിയെത്തി.
‘ദ ഡയറി ഓഫ് മണിപ്പൂർ’ എന്നതാണ് മൊണാലിസ അഭിനയിക്കുന്ന ആദ്യ സിനിമ. നടൻ രാജ്കുമാർ റാവുവിന്റെ സഹോദരൻ അമിത് റാവു നായകനായെത്തുന്ന സിനിമ സംവിധാനം ചെയ്യുന്നത് സനോജ് മിശ്രയാണ്. മൊണാലിസയെക്കുറിച്ച് വീഡിയോകളിലൂടെ അറിഞ്ഞപ്പോഴാണ്, തന്റെ പുതിയ നായികയായി അവളെ സനോജ് മിശ്ര തിരഞ്ഞെടുക്കുന്നതെന്ന് അദ്ദേഹം തന്നെ വ്യക്തമാക്കിയിട്ടുണ്ട്.
