ബിജെപി നേതാവ് കൃഷ്ണകുമാറിനെതിരായ പീഡന പരാതിയില് ഭീഷണിയുമായി കൃഷ്ണകുമാറിന്റെ ഭാര്യ മിനി കൃഷ്ണകുമാര്.കേരള രാഷ്ട്രീയത്തില് തകര്ക്കാന് പറ്റാത്ത രണ്ട് പേരുകളാണ് സി.കൃഷ്ണകുമാറും കെ. സുരേന്ദ്രനും. നല്ല മൂര്ച്ചയുള്ള ആയുധങ്ങള് വെച്ച് ഒന്ന് വീശിയാല് രണ്ടായിട്ടേ കാണുവെന്ന് ഓര്ക്കുന്നത് നല്ലതാണെന്നും മിനി ഫേസ്ബുക്ക് പോസ്റ്റില്പറയുന്നു.
രാഷ്ട്രീയ എതിരാളികളെ പന്നിക്കൂട്ടങ്ങളെ എന്ന് വിളിച്ചാണ് ഇവർ പോസ്റ്റിൽ ആക്ഷേപിച്ചിരിക്കുന്നത്. ബിജെപി പാലക്കാട് നഗരസഭ കൗണ്സിലറുമാണ് മിനി കൃഷ്ണകുമാര്. ഇവർ പങ്ക് വച്ച ഫേസ്ബുക്ക് പോസ്റ്റിന്റ പൂര്ണരൂപം ചുവടെ.
‘കേരള രാഷ്ട്രീയത്തില് തകര്ക്കാന് പറ്റാത്ത രണ്ട് പേരുകളാണ് സി കെ യും കെ എസും. നല്ല ഇരുമ്ബ് ചൂളയില് കാച്ചി കുറുക്കി എടുത്ത് കനലും കനല്കൊണ്ടും തീയേറ്റും പഴുത്തുപാകം വന്ന നല്ല മൂര്ച്ചയുള്ള ആയുധങ്ങള് ഇതുവെച്ച് ഒന്ന് വീശിയാല് പിന്നെ രണ്ടായിട്ട് കാണൂ ഓര്ക്കുന്നത് നല്ലതാണ്.ബാലിസ്റ്റിക് മിസൈലുകള് ആയ അഗ്നി 5 ഉം, അഗ്നി. പി. യും ആകാശ ചരിത്രത്തില് ഉണ്ടെങ്കില് ഇവിടെയും ഇവരെ ഉള്ളൂ പന്നിക്കൂട്ടങ്ങള് ജാഗ്രത’
