പ്രശസ്ത സിനിമാ സീരിയല് താരം വിഷ്ണു പ്രസാദ് അന്തരിച്ചു. കരള് രോഗത്തെത്തുടർന്ന് കുറച്ചുനാളായി ഗുരുതരാവസ്ഥയില് ചികിത്സയിൽ കഴിയുകയായിരുന്നു. നടന് കിഷോര് സത്യയാണ് ഫേസ്ബുക്കിലൂടെ താരത്തിന്റെ മരണവാർത്ത അറിയിച്ചത്. നേരത്തെ നടന്റെ ചികില്സക്ക് 30 ലക്ഷത്തോളം രൂപ ചെലവ് വരുമെന്നും നടൻ കിഷോർ സത്യ വെളിപ്പെടുത്തിയിരുന്നു.
സീരിയല് ആർടിസ്റ്റുകളുടെ സംഘടനയായ ആത്മയില് നിന്നും നടന് സാമ്ബത്തിക സഹായം നല്കുമെന്നും കിഷോർ സത്യ അറിയിച്ചിരുന്നു. സിനിമാ താരങ്ങളുടെ സംഘടനയായ അമ്മയിലും വിഷ്ണു പ്രസാദ് അംഗമാണ്. അമ്മയില് നിന്നും ഏതെങ്കിലും വിധത്തിലുള്ള സാമ്ബത്തിക സഹായം ലഭിക്കുമോ എന്ന കാര്യം തനിക്ക് അറിയില്ലെന്നും കിഷോർ സത്യ പറഞ്ഞിരുന്നു. സിനിമകളിലൂടെയും സീരിയലുകളിലൂടെയും പ്രേക്ഷക ശ്രദ്ധ നേടിയ നടനാണ് വിഷ്ണു പ്രസാദ്. വില്ലൻ വേഷങ്ങളിലൂടെയാകും പ്രേക്ഷകരില് ഭൂരിഭാഗം പേർക്കും അദ്ദേഹത്തെ പരിചയം.
വിനയന് സംവിധാനം ചെയ്ത തമിഴ് ചിത്രമായ കാശിയിലൂടെയാണ് താരം അഭിനയരംഗത്ത് അരങ്ങേറ്റം കുറിച്ചത്. തുടര്ന്ന് കൈ എത്തും ദൂരത്ത്, റണ്വേ, മാമ്ബഴക്കാലം, ലയണ്, ബെന് ജോണ്സണ്, ലോകനാഥന് ഐഎഎസ്, പതാക, മാറാത്ത നാട് തുടങ്ങിയ സിനിമകളിലും അഭിനയിച്ചു. പിന്നീട് സീരിയലുകളിലും വിഷ്ണുപ്രസാദ് സജീവമായി.
