കുപ്രസിദ്ധ കൊലപാതക കേസുകളിലെ സ്ഥിരം വക്കീലായ അഡ്വ. ബി. ആളൂർ അന്തരിച്ചു. വൃക്ക സംബന്ധമായ രോഗങ്ങളെ തുടർന്ന് ചികിത്സയില് ആയിരുന്നു. എറണാകുളം ലിസി ആശുപത്രിയിലായിരുന്നു അന്ത്യം.കോളിളക്കം സൃഷ്ടിച്ച കേസുകളില് പ്രതികള്ക്ക് വേണ്ടി സ്ഥിരമായി ഹാജരായി എക്കാലവും ചർച്ചകളിലും വാർത്തകളിലും നിറഞ്ഞുനിന്ന അഭിഭാഷകനായിരുന്നു അഡ്വ.ആളൂർ.
സൗമ്യ വധക്കേസില് പ്രതി ഗോവിന്ദച്ചാമിയ്ക്ക് വേണ്ടി ഹാജരായതോടെയാണ് ആളൂർ വാർത്തകളില് ഇടംപിടിച്ചത്. തുടർന്ന് സമാനമായ നിരവധി കേസുകളില് പ്രതികളുടെ വക്കാലത്ത് ഏറ്റെടുത്തിരുന്നു. ഇലന്തൂര് ഇരട്ട നരബരി കേസില് പ്രതിഭാഗം അഭിഭാഷകനാണ്. നടി ആക്രമിക്കപ്പെട്ട കേസില് ആദ്യഘട്ടത്തില് പള്സര് സുനിയുടെ അഭിഭാഷകനായി അദ്ദേഹം ഹാജരായിട്ടുണ്ട്.
രണ്ട് വര്ഷത്തിലേറെയായി വൃക്കരോഗത്തിന് ചികിത്സയില് കഴിയുകയായിരുന്നു. കഴിഞ്ഞ ദിവസം അസുഖം മൂര്ച്ഛിക്കുകയായിരുന്നു. ബിജു ആന്റണി ആളൂര് എന്നാണ് ഇദ്ദേഹത്തിന്റെ മുഴുവന് പേര്. തൃശ്ശൂര് സ്വദേശിയാണ്.
