കൊല്ലം ഓയൂരില്‍ ആറ് വയസുകാരിയെ തട്ടിക്കൊണ്ടുപോയ സംഭവം മലയാളികള്‍ അത്ര പെട്ടെന്നൊന്നും മറക്കാനിടയില്ല. കേരളം മുഴുവൻ ആ പിഞ്ചുകുഞ്ഞിനെ തിരികെ കിട്ടാനായി പ്രാ‌ർത്ഥനയോടെ കാത്തിരുന്നു. ഒടുവില്‍ ഒരു ആപത്തും കൂടാതെ കുട്ടിയെ തിരികെ കിട്ടി. കേസില്‍ പ്രതികളായ പത്മകുമാർ, ഭാര്യ അനിതകുമാരി, മകള്‍ അനുപമ പത്മൻ എന്നിവരുടെ അറസ്റ്റും മറ്റുകേസുകളെ അപേക്ഷിച്ച്‌ ശ്രദ്ധിക്കപ്പെട്ടിരുന്നു.

അനുപമ ഒരു യൂട്യൂബർ ആണെന്ന വിവരം പുറത്തുവന്നതോടെ പല തരത്തിലുള്ള ട്രോളുകളും ചിത്രങ്ങളുമെല്ലാം വൈറലാകാൻ തുടങ്ങി. ഒറ്റയടിക്ക് അനുപമയുടെ വീഡിയോകളുടെ റീച്ച്‌ കൂടി. സബ്‌സ്‌ക്രൈബർമാരുടെ എണ്ണവും കുത്തനെ കൂടി. ഇപ്പോഴിതാ ജാമ്യത്തിലിറങ്ങിയ അനുപമ വീണ്ടും സമൂഹ മാദ്ധ്യമങ്ങളില്‍ ചിത്രങ്ങളും വീഡിയോകളും പങ്കുവയ്‌ക്കാൻ തുടങ്ങിയിരിക്കുകയാണ്.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group | Google News |Telegram Group

തിരുവനന്തപുരം പത്മനാഭ സ്വാമി ക്ഷേത്രത്തില്‍ നിന്ന് പങ്കുവച്ച വീഡിയോ ആണ് ഇൻസ്റ്റഗ്രാമില്‍ ഇപ്പോള്‍ വൈറലായിക്കൊണ്ടിരിക്കുന്നത്. അവസാനം പങ്കുവച്ച വീഡിയോയ്‌ക്ക് 4.5 മില്യണ്‍ വ്യൂസുണ്ട്. എഴുപത്തയ്യായിരത്തിലധികം ലൈക്കും രണ്ടായിരത്തോളം കമന്റുമുണ്ട്. ‘പത്മനാഭാ നിന്നെ നീ തന്നെ കാത്തോളണേ, ജയിലില്‍ നിന്ന് പരോളിന് വന്നതാണോ, ചേച്ചി എന്നെക്കൂടെ തട്ടിക്കൊണ്ട് പോകുമോ?, എന്തിനാ എല്ലാരും അവരെ കുറ്റം പറയുന്നത്. ആരെയും കൊന്നില്ലല്ലോ. തട്ടികൊണ്ട് പോയത് അല്ലെ ഉള്ളു, ഞാൻ സിനിമയിലെ കിഡ്നാപ്പ് ഒക്കെ കണ്ടിട്ടുള്ളു, ഫാൻ ആക്കി കളഞ്ഞു ഫാമിലി മുഴുവൻ’, തുടങ്ങി നിരവധി കമന്റുകളാണ് വീ‌ഡിയോയ്‌ക്ക് താഴെ വന്നിട്ടുള്ളത്. പലരും അനുപമയെ അനുകൂലിച്ചുകൊണ്ടും എത്തിയിട്ടുണ്ട്.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക