വീട്ടില് നിന്നും 18.27 കിലോഗ്രാം കഞ്ചാവുമായി ദമ്ബതികള് അറസ്റ്റിലായി. മലയിന്കീഴ് മാവോട്ടുകോണം കുഴിതാലംകോട് വാടകയ്ക്കു താമസിക്കുന്ന ജഗതി സ്വദേശി വിജയകാന്ത് (29), ഭാര്യ മലയം സ്വദേശി സുമ (28) എന്നിവരാണ് പിടിയിലായത്.റൂറല് ഡാന്സാഫ് സംഘവും മലയന്കീഴ് പോലീസും ചേര്ന്നാണ് പ്രതികളെ പിടികൂടുന്നത്. കിടപ്പ് മുറിയില് പ്ലാസ്റ്റിക് ചാക്കിനുള്ളിലാണ് കഞ്ചാവ് സൂക്ഷിച്ചിരുന്നത്.
ഒരു മാസം മുന്പാണ് പ്രതികള് വീട് വാടകയ്ക്ക് എടുത്തത്. കഞ്ചാവ് കച്ചവടം നടക്കുന്നതായി രഹസ്യവിവരം ലഭിച്ചതിനെത്തുടര്ന്ന് വീട് പൊലീസ് നിരീക്ഷിച്ചു വരികയായിരുന്നു. പുതുവത്സരാഘോഷം പ്രമാണിച്ച് വില്പ്പനയ്ക്കായി എത്തിച്ച കഞ്ചാവാണ് പിടിച്ചെടുത്തത്. ബാലരാമപുരം സ്വദേശിയില് നിന്നാണ് വിജയകാന്ത് കഞ്ചാവ് വാങ്ങിയതെന്നാണ് സൂചന. കാട്ടാക്കട, മലയിന്കീഴ്, പൂജപ്പുര സ്റ്റേഷനുകളില് മാലമോഷണം അടക്കം ഒട്ടേറെ കേസുകളില് വിജയകാന്ത് പ്രതിയാണെന്ന് പൊലീസ് സൂചിപ്പിച്ചു.
