ഫുട്പാത്ത് കെട്ടിയടച്ച് അച്ചായൻസ് ഗോൾഡ് നടത്തിയ അനധികൃത നിർമ്മാണം: ഒറ്റയാൾ സമരത്തിന് ഇറങ്ങിയ പൊതുപ്രവർത്തകനെ അവഹേളിച്ച് പാലായിലുടെനീളം ഫ്ലക്സ് ബോർഡുകൾ ഉയർത്തി അച്ചായൻസ് ഉടമ ടോണി വർക്കിച്ചന്റെ ഹുങ്ക്; നിയമവ്യവസ്ഥയെ വെല്ലുവിളിക്കുന്ന നന്മ മരത്തെ നിലയ്ക്ക് നിർത്താൻ നഗരസഭയ്ക്ക് കഴിയുമോ?

എന്നാൽ ഇപ്പോൾ ചർച്ചയാകുന്നത് ജനങ്ങൾക്ക് വേണ്ടി സമരത്തിന് ഇറങ്ങിയ പൊതുപ്രവർത്തകനെ അവഹേളിക്കുന്ന രീതിയിൽ നഗരത്തിൽ ഉടനീളം ഉയർന്ന ഫ്ലക്സ് ബോർഡുകൾ ആണ്. അച്ചായൻസ് ഗോൾഡിന്റെ പേരിലാണ് ബോർഡുകൾ ഉയർത്തിയിട്ടുള്ളത്. ഇവരുടെ സ്ഥാപനത്തിനു മുന്നിലും ബോർഡ് ഉയർത്തിയിട്ടുണ്ട്. നമ്മുടെ നാടിൻറെ പൊതു നന്മയ്ക്കായി പ്രവർത്തിക്കുന്ന പൗരാവകാശ സമിതിക്കും ജോയ് ചേട്ടനും അച്ചായൻസ് ഗോൾഡിന്റെ അഭിവാദ്യങ്ങൾ എന്നാണ് ബോർഡിലെ വാക്യങ്ങൾ.

ജനകീയ വിഷയമുയർത്തി ജനാധിപത്യപരമായും, സമാധാനപൂർവ്വമായും പ്രതിഷേധിച്ച ഒരു പൊതുപ്രവർത്തകനെ അവഹേളിക്കുന്നത് അംഗീകരിക്കാൻ കഴിയുന്ന നടപടിയല്ല. അച്ചായൻസ് ഉടമയായ ടോണി വർക്കിച്ചന്റെ ഹുങ്ക് തന്നെയാണ് ഈ നടപടിയിലൂടെ വ്യക്തമാകുന്നത്. കോട്ടയം ജില്ലയിലെ പ്രമുഖ ‘നന്മ മരത്തിന്റെ’ യഥാർത്ഥ മുഖമാണ് ഇതിലൂടെ വെളിപ്പെട്ടിരിക്കുന്നത്. നന്മ മരം ആയതുകൊണ്ട് തന്നെ എന്തു തോന്നിവാസവും നിയമലംഘനവും നടത്താം എന്ന പൊതുബോധവും, അത് ചോദ്യം ചെയ്യപ്പെട്ടപ്പോൾ ഉള്ള അസ്വസ്ഥതയുമാകാം ഇത്തരത്തിൽ അപലപനീയമായ ഒരു നടപടിക്ക് ഇയാളെ പ്രേരിപ്പിച്ചത്. പൊങ്ങന്മാരെയും, ഹുങ്കൻമാരെയും നിലക്ക് നിർത്തിയ പാലായുടെ പാരമ്പര്യം നിലനിർത്തുവാനുള്ള ആർജ്ജവം നഗരസഭയ്ക്കും നഗരസഭ ചെയർമാൻ ഷാജു തുരുത്തനും ഉണ്ടോ എന്നാണ് ഇനി കണ്ടറിയേണ്ടത്.