ഓണ്ലൈൻ മാധ്യമ രംഗത്തെ പതിവ് ശൈലിയില് നിന്നും വേറിട്ട പാതയില് സഞ്ചരിക്കുന്ന മാധ്യമപ്രവർത്തകനാണ് സൂരജ് പാലാക്കാരൻ. ട്രൂ ടിവി എന്ന ഓണ്ലൈൻ മാധ്യമം ഇദ്ദേഹത്തിൻറെ ഉടമസ്ഥതയിലുള്ളതാണ്. വെട്ടി തുറന്നുള്ള നിലപാടുകളും, ഫില്റ്റർ ചെയ്യാത്ത ഭാഷയും ഇതിനൊപ്പം ഉണ്ടാകുന്ന വിവാദങ്ങളുമാണ് സൂരജ് പാലാക്കാരന്റെ മുഖമുദ്ര.
കേരള മുഖ്യമന്ത്രി പിണറായി വിജയൻ, കേരള കോണ്ഗ്രസ് എം നേതാവ് ജോസ് കെ മാണി എന്നിങ്ങനെ സംസ്ഥാനത്തെ പ്രമുഖ രാഷ്ട്രീയ നേതാക്കള് വരെ സൂരജിന്റെ അധിക്ഷേപ പരാമർശങ്ങള്ക്ക് വിധേയരായിട്ടുണ്ട്. വൈകാരികമായ സംഭവങ്ങളുടെ പശ്ചാത്തലത്തില് വൈകാരികമായ പ്രതികരണങ്ങള് നടത്തുന്നു എന്നുള്ളതുകൊണ്ടുതന്നെ ഭാഷയുടെ ശുദ്ധിക്കപ്പുറം ഇയാളുടെ വീഡിയോയ്ക്ക് നിരവധി ആരാധകരും ഉണ്ട്. എന്നാല് പലപ്പോഴും ഇത്തരം വീഡിയോകളുടെ പേരില് നിയമക്കുരുക്കില് അകപ്പെട്ട് ജയിലില് പോകുന്ന സാഹചര്യവും സൂരജിന് ഉണ്ടായിട്ടുണ്ട്.
ഇപ്പോള് ഇയാളുടെ വ്യത്യസ്തമായ ഒരു വീഡിയോ ഇദ്ദേഹം തന്നെ ഇൻസ്റ്റാഗ്രാം അടക്കമുള്ള സമൂഹമാധ്യമങ്ങളില് പോസ്റ്റ് ചെയ്തിട്ടുണ്ട്. പ്രൊഫഷണലായി ഷൂട്ട് ചെയ്ത ഒരു സെല്ഫ് ഹൈപ്പ് വീഡിയോ എന്നു വേണമെങ്കില് ഇതിനെ വിശേഷിപ്പിക്കാം. ബോഡിഗാർഡുകളുടെ അകമ്ബടിയോടെ ഇദ്ദേഹം നടക്കുന്നതും, ഇരിക്കുന്നതും, ഇദ്ദേഹത്തിൻറെ ക്ലോസപ്പ് മാനറിസങ്ങളും എല്ലാമാണ് വീഡിയോയില് ഉള്പ്പെടുത്തിയിട്ടുള്ളത്. പൊലിമ കൂട്ടാൻ പഞ്ച് മ്യൂസിക്കും പഞ്ച് ഡയലോഗുകളും വീഡിയോയ്ക്ക് ഒപ്പം എഡിറ്റ് ചെയ്ത് ചേർത്തിട്ടുണ്ട്. വീഡിയോ ചുവടെ കാണാം.
