സുരേഷ് ഗോപി എന്ന മനുഷ്യസ്നേഹിക്ക് ആരാധകർ ഏറെയാണ്. അദ്ദേഹം പിന്തുടരുന്ന രാഷ്ട്രീയത്തെ മാറ്റി നിർത്തിയാല് അദ്ദേഹത്തിന് നിരവധി ആരാധകരാണ് കേരളത്തിലുള്ളത്. എന്തു സഹായത്തിനും ഓടിച്ചെല്ലാവുന്ന ഇടമാണ് സുരേഷ് ഗോപി. തൻറെ സമ്ബാദ്യത്തില് നിന്നെടുത്താണ് അദ്ദേഹം ജീവകാരുണ്യ പ്രവർത്തനങ്ങള് ചെയ്യാറുള്ളത്. അദ്ദേഹത്തെപ്പോലെ തന്നെ അദ്ദേഹത്തിൻറെ കുടുംബവും ആരാധകർക്ക് സുപരിചിതരാണ്. മിക്ക പൊതു പരിപാടികളിലും സുരേഷ് ഗോപിക്കൊപ്പം ഭാര്യയെയും മക്കളെയും കാണാൻ സാധിക്കും.
കരിയറിലും രാഷ്ട്രീയത്തിലും വ്യക്തി ജീവിതത്തിലുമെല്ലാം തിളങ്ങി നില്ക്കുകയാണെങ്കിലും എന്നും സുരേഷ് ഗോപിയെ അലട്ടുന്ന ഒരു സങ്കടം മൂത്തമകള് ലക്ഷ്മിയുടെ മരണമാണ്. മൂത്തമകള് ലക്ഷ്മി അപകടത്തില് മരിച്ചില്ലായിരുന്നുവെങ്കില് ഗോകുലിനും മാധവിനും ഭാഗ്യയ്ക്കും ഭാവ്നിക്കുമൊപ്പം ലക്ഷ്മിയും കുടുംബ ചിത്രങ്ങളില് നിറഞ്ഞുനിന്നേനെ. ഒരു കാർ അപകടത്തിലാണ് മകള് ലക്ഷ്മിയെ സുരേഷ് ഗോപിക്ക് നഷ്ടപ്പെട്ടത്.
ലക്ഷ്മിയ്ക്ക് ഒന്നര വയസ് മാത്രമുള്ളപ്പോഴാണ് മരണത്തിന്റെ രൂപത്തില് കാറപകടം ഉണ്ടായത്. മകളുടെ മരണം വലിയ ആഘാതമാണ് സുരേഷ് ഗോപിയ്ക്കും രാധികയ്ക്കും ഉണ്ടാക്കിയത്.മകളെ കുറിച്ച് പറയുമ്ബോഴെല്ലാം സുരേഷ് ഗോപിയുടെ കണ്ണുകള് നിറയാറുണ്ട്. ഇപ്പോഴിതാ ആർട്ടോമാനിക് എന്ന ഇൻസ്റ്റഗ്രാം പേജില് പ്രത്യക്ഷപ്പെട്ട ലക്ഷ്മിയുടെ ഒരു ഫോട്ടോയാണ് വൈറലാകുന്നത്. ജീവിച്ചിരിപ്പുണ്ടായിരുന്നുവെങ്കില് മുപ്പത്തിനാലുകാരിയായ ലക്ഷ്മിയുടെ രൂപം എങ്ങനെയായിരിക്കും എന്നതാണ് ആർട്ടോമാനിക് പേജിന്റെ ഉടമയായ വ്യക്തി ഡിജിറ്റല് ആർട്ടിലൂടെ ചെയ്തിരിക്കുന്നത്.
