മഹാരാഷ്ട്രയിലെ ബാരാമതിയില് വിമാനം തകർന്നു വീണുണ്ടായ അപകടത്തില് മഹാരാഷ്ട്ര ഉപമുഖ്യമന്ത്രിയും എൻസിപി നേതാവുമായ അജിത് പവാർ അന്തരിച്ചു. 66 വയസായിരുന്നു. അജിത് പവാറിനൊപ്പം വിമാനത്തിലുണ്ടായിരുന്ന മൂന്നുപേർക്കും ജീവൻ നഷ്ടപ്പെട്ടതായി വാർത്താ ഏജൻസിയായ പിടിഐ റിപ്പോർട്ട് ചെയ്യുന്നു.
വിമാനം പൂര്ണമായും കത്തി നശിച്ചു. പൈലറ്റ് അടക്കം ആറുപേരാണ് വിമാനത്തിലുണ്ടായിരുന്നത്. ഇന്ന് രാവിലെ 8:45 നാണ് അപകടം നടന്നത്. രാവിലെ 8 മണിക്ക് മുംബൈയില് നിന്ന് പുറപ്പെട്ട വിമാനമാണ് അപകടത്തില് പെട്ടത്.എല് ആന്റ് എസ് ഏവിയേഷന്റെ പ്രൈവറ്റ് ബിസിനസ് ക്ലാസ് ജെറ്റാണ് അപകടത്തില്പ്പെട്ടത്. അപകടത്തില് വിമാനം പൂർണമായും കത്തിനശിച്ചു. സാങ്കേതിക തകരാറാണ് അപകടത്തിന് കാരണമെന്നാണ് നിഗമനം.
രാഷ്ട്രീയ യോഗങ്ങളില് പങ്കെടുക്കാനാണ് അജിത് പാവർ എത്തിയത്.ലാൻഡിംഗ് ഘട്ടത്തിലാണ് വിമാനം അപകടത്തില്പ്പെട്ടതെന്നാണ് പ്രാഥമിക റിപ്പോർട്ടുകള്.എന്താണ് അപകടത്തിന് കാരണമെന്ന് വ്യക്തമല്ല. ഇക്കാര്യങ്ങള് അന്വേഷിച്ചുവരികയാണെന്ന് അധികൃതര് അറിയിച്ചു.
