കേരളത്തില് വീണ്ടും മഴക്കാലമെത്തുന്നു എന്ന് കാലാവസ്ഥ വകുപ്പ്. ഈ വർഷത്തെ ആദ്യത്തെ ന്യൂനമർദ്ദം രൂപപ്പെട്ടതിനെ തുടർന്നാണ് കേരളത്തിലും മഴ സാധ്യത പ്രവചിച്ചത്.തെക്കുകിഴക്കൻ ബംഗാള് ഉള്ക്കടലിനും അതിനോട് ചേർന്ന കിഴക്കൻ ഭൂമധ്യ രേഖക്ക് സമീപമുള്ള ഇന്ത്യൻ മഹാസമുദ്രത്തിനും മുകളിലായാണ് ശക്തി കൂടിയ ന്യൂനമർദ്ദം സ്ഥിതി ചെയ്യുന്നത്.
അടുത്ത 24 മണിക്കൂറിനുള്ളില് തെക്കുപടിഞ്ഞാറൻ ബംഗാള് ഉള്ക്കടലിന് മുകളില് ഇത് തീവ്ര ന്യൂനമർദ്ദമായി ശക്തിപ്രാപിക്കാൻ സാധ്യതയുണ്ട്. തുടർന്നുള്ള 48 മണിക്കൂറില് പടിഞ്ഞാറ്-വടക്കുപടിഞ്ഞാറ് ദിശയില് സഞ്ചരിക്കാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
മഴ മുന്നറിയിപ്പ്
ഡിസംബർ 7 – എല്ലാ ജില്ലകളിലും വെള്ള അലർട്ട് – മഴ മുന്നറിയിപ്പ് ഇല്ല.
ഡിസംബർ 8 – പത്തനംതിട്ട, ഇടുക്കി, പാലക്കാട് എന്നീ ജില്ലകളില് ഗ്രീൻ അലർട്ട് – നേരിയതോ മിതമായതോ ആയ മഴയ്ക്ക് സാധ്യത.
ഡിസംബർ 9 – ഗ്രീൻ അലർട്ട് – തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്
യെല്ലോ അലർട്ട് – ശക്തമായ മഴയ്ക്ക് സാധ്യത – പത്തനംതിട്ട, ഇടുക്കി
ശബരിമലയില് മഴ മുന്നറിയിപ്പ് നല്കിയിട്ടില്ല. ഡിസംബർ 8, വ്യാഴാഴ്ച വരെ സന്നിധാനം, പമ്ബ, നിലക്കല് എന്നിവിടങ്ങളില് ആകാശം ഭാഗികമായി മേഘാവൃതമായിരിക്കും.
മത്സ്യത്തൊഴിലാളി ജാഗ്രത നിർദേശം
ഡിസംബർ 7: തെക്കുപടിഞ്ഞാറൻ ബംഗാള് ഉള്ക്കടല്, തെക്കു കിഴക്കൻ ബംഗാള് ഉള്ക്കടല്, തെക്കൻ തമിഴ്നാട് തീരം, ഗള്ഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് മണിക്കൂറില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ഡിസംബർ 8: തെക്കുപടിഞ്ഞാറൻ ബംഗാള് ഉള്ക്കടല്, അതിനോട് ചേർന്ന മധ്യ പടിഞ്ഞാറൻ ബംഗാള് ഉള്ക്കടല്, തെക്കു കിഴക്കൻ ബംഗാള് ഉള്ക്കടല്, തെക്കൻ തമിഴ്നാട് തീരം, ഗള്ഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് മണിക്കൂറില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
ഡിസംബർ 9: തെക്കുപടിഞ്ഞാറൻ ബംഗാള് ഉള്ക്കടല്, അതിനോട് ചേർന്ന മധ്യ പടിഞ്ഞാറൻ ബംഗാള് ഉള്ക്കടല്, തെക്കു കിഴക്കൻ ബംഗാള് ഉള്ക്കടല്, തമിഴ്നാട് തീരം, ഗള്ഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 മുതല് 45 കിലോമീറ്റർ വരെയും ചില അവസരങ്ങളില് മണിക്കൂറില് 55 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
