രാഹുല് മാങ്കൂട്ടത്തില് എംഎല്എയ്ക്കെതിരെ പീഡന പരാതി നല്കിയ യുവതിക്കെതിരെ സൈബര് അധിക്ഷേപം നടത്തിയ കോണ്ഗ്രസ് നേതാവ് സന്ദീപ് വാര്യര്ക്ക് താല്കാലിക ആശ്വാസം. കേസില് പോലീസ് റിപ്പോര്ട്ട് വന്നിട്ടില്ലെന്നും റിപ്പോര്ട്ട് വരുന്നത് വരെ അറസ്റ്റ് ചെയ്യില്ലെന്നും പ്രോസിക്യൂഷന് കോടതിയെ അറിയിച്ചു.
സൈബര് ഇടത്തില് പരാതിക്കാരിയെ അധിക്ഷേപിച്ചന്ന കേസില് പ്രതിയാണ് സന്ദീപ് വാര്യര്. സന്ദീപിന്റെ മുന്കൂര് ജാമ്യാപേക്ഷ ഈ മാസം 15 ന് വീണ്ടും പരിഗണിക്കും. പരാതിക്കാരിയുടെ ചിത്രമോ പേരോ സോഷ്യല് മീഡിയവഴി പങ്കുവച്ചിട്ടില്ലെന്നും പണ്ടുണ്ടായിരുന്ന പോസ്റ്റ് മറ്റാരോ കേസിന് ശേഷം കുത്തിപൊക്കിയതാണെന്നുമാണ് മുന്കൂര് ജാമ്യ ഹര്ജിയില് സന്ദീപ് വാര്യര് പറയുന്നത്.
തിരുവനന്തപുരം പ്രിന്സിപ്പല് സെഷന്സ് കോടതിയാണ് ജാമ്യാപേക്ഷ പരിഗണിക്കുന്നത്. കേസില് നാലാം പ്രതിയാണ് സന്ദീപ്. പരാതിക്കാരിയായ യുവതിയുടെ വിവാഹ സമയത്ത് എടുത്ത ആശംസാ പോസ്റ്റ് പലരും സാമൂഹിക മാധ്യമത്തില് കുത്തിപ്പൊക്കിയതാണെന്നും പരാതിക്കാരിയെ അപമാനിക്കുന്ന പ്രവര്ത്തി ചെയ്തിട്ടില്ലെന്നും സന്ദീപ് വാര്യര് ജാമ്യാപേക്ഷയില് പറയുന്നു.
