കോളിളക്കം സൃഷ്ടിച്ച സൗമ്യ വധക്കേസ് കുറ്റവാളി ഗോവിന്ദച്ചാമി ജയില് ചാടിയത് പുലർച്ചെ 1.15 ന്. അതീവ സുരക്ഷാ സജ്ജീകരണങ്ങളുള്ള ജയിലില് തനിച്ച് പാർപ്പിച്ചിരുന്ന സെല്ലിലെ അഴികള് മുറിച്ചാണ് ഇയാള് പുറത്ത് കടന്നത്.
എന്നാല് ജയിലുദ്യോഗസ്ഥർ വിവരമറിഞ്ഞത് രാവിലെ ഏഴ് മണിയോടെയാണ്. സെല്ലിനകത്ത് ഇയാളില്ലെന്ന് കണ്ട് ജയില് പരിസരത്ത് ഇയാളെ ഉദ്യോഗസ്ഥർ തിരഞ്ഞുനടന്നു. അപ്പോഴേക്കും കൊടുംകുറ്റവാളി ജയിലിന് പുറത്ത് കടന്ന് ആറ് മണിക്കൂറോളം പിന്നിട്ടിരുന്നു എന്നാണ് ഇപ്പോള് വ്യക്തമാകുന്നത്.
ജയിൽ ചാട്ടം ഇങ്ങനെ
അലക്കാൻ വെച്ചിരുന്ന തുണികള് കൂട്ടിക്കെട്ടി കയർ പോലെയാക്കി.പിന്നീട് മതിലിന് മുകളിലുള്ള ഫെൻസിങില് തുണികുരുകി. അതേ തുണി ഉപയോഗിച്ച് ഇയാള് മതിലില് നിന്ന് താഴേക്കിറങ്ങുകയും ചെയ്തു. ഈ സമയത്ത് പുറത്ത് നിന്നും ഇയാള്ക്ക് സഹായം ലഭിച്ചിരുന്നു. ഇതിൻ്റെയെല്ലാം ദൃശ്യങ്ങള് സിസിടിവില് ഉണ്ട്.
