ഇന്റര്നാഷനല് മാസ്റ്റേഴ്സ് ലീഗ് ട്വന്റി20 ടൂര്ണമെന്റിലെ സഹതാരങ്ങള്ക്കൊപ്പം ഹോളി ആഘോഷിച്ച് സച്ചിന് ടെണ്ടുല്ക്കര്.ഇന്ത്യന് മാസ്റ്റേഴ്സ് ടീം താമസിക്കുന്ന ഹോട്ടലില് സച്ചിന്റെ നേൃത്വത്തിലാണ് ആഘോഷ പരിപാടികള് നടന്നത്. ടീംഗങ്ങളെ മുറിയില് നിന്ന് വിളിച്ചിറക്കി സച്ചിന് ചായങ്ങള് പൂശുന്ന വിഡിയോ ആരാധകരും ഏറ്റെടുത്തു.
ഇന്ത്യയുടെ മുന് താരം യുവരാജ് സിങ്, അമ്ബാട്ടി റായുഡു തുടങ്ങിയവരെ മുറിയില് അപ്രതിക്ഷിതമായി എത്തിയ സച്ചിന് വാട്ടര് ഗണ് ഉപയോഗിച്ച് ചായം കലര്ത്തിയ വെള്ളം ഒഴിക്കുന്നതാണ് ദൃശ്യങ്ങളിലുള്ളത്. ഹോളി ആഘോഷത്തിന്റെ വിഡിയോ സച്ചിന് തന്നെയാണ് സമൂഹമാധ്യമങ്ങളില് പോസ്റ്റ് ചെയ്തത്.
-->
ഇന്റര്നാഷനല് മാസ്റ്റേഴ്സ് ലീഗ് ട്വന്റി20 ടൂര്ണമെന്റില് ഇന്ത്യയ്ക്കായി കളിക്കുന്ന യൂസഫ് പഠാന്, രാഹുല് ശര്മ തുടങ്ങിയവരെയും സച്ചിനൊപ്പം ദൃശ്യങ്ങളില് കാണാം.
ഇന്റര്നാഷനല് മാസ്റ്റേഴ്സ് ലീഗ് ട്വന്റി20 ടൂര്ണമെന്റിന്റെ സെമിയില് ഓസ്ട്രേലിയയ്ക്കെതിരെ തകര്പ്പന് അര്ധസെഞ്ചറിയുമായി ഇന്ത്യയ്ക്ക് വിജയം സമ്മാനിച്ചത് യുവരാജായിരുന്നു. ടീമിനു വിജയം സമ്മാനിച്ച യുവരാജ് ഉറക്കത്തിലാണെന്ന് വിശദീകരിച്ച ശേഷമാണ് സച്ചിന് വാതിലില് മുട്ടുന്നത്. പുറത്തിറങ്ങിയ യുവരാജിനെ ചായത്തില് കുളിപ്പിച്ചാണ് സച്ചിനും സംഘവും മടങ്ങുന്നത്. പിന്നീട് ടീമംഗമായ അമ്ബാട്ടി റായുഡുവിന്റെ മുറിയില് ചെന്നും സംഘം ആഘോഷം തുടര്ന്നു.
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക