സംസ്ഥാനത്ത് കാലവർഷം ശക്തമായി തുടരുന്നു. കോഴിക്കോട്, കണ്ണൂർ, കാസർഗോഡ് ജില്ലകളില് റെഡ് അലർട്ടും മലപ്പുറം, വയനാട് ജില്ലകളില് ഓറഞ്ച് അലർട്ടുമാണ്.തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട് ജില്ലകളില് യെല്ലോ അലർട്ട്.
കേരള – ലക്ഷദീപ് – കർണാടക തീരങ്ങളില് ഇന്നും നാളെയും മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. കേരള – ലക്ഷദീപ് – കർണാടക തീരങ്ങളില് മണിക്കൂറില് 40 മുതല് 50 കിലോമീറ്റർ വരെയും ചില അവസരങ്ങളില് മണിക്കൂറില് 60 കിലോമീറ്റർ വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
വടക്കുകിഴക്കൻ സംസ്ഥാനങ്ങളുടെ ബാക്കി ഭാഗങ്ങളിലേക്കും, സിക്കിം സംസ്ഥാനത്ത് പൂർണ്ണമായും, പശ്ചിമ ബംഗാളിന്റെ ഉപ-ഹിമാലയൻ പ്രദേശങ്ങളുടെ ചില ഭാഗങ്ങളിലേക്കും ഇന്ന് കാലവർഷം പുതുതായി പ്രവേശിച്ചു. വടക്കൻ കർണാടകയുടെ ഉള്പ്രദേശങ്ങള്ക്കും അതിന്റെ സമീപ പ്രദേശങ്ങള്ക്കും മുകളിലായി ചക്രവാതചുഴി നിലനില്ക്കുന്നു. സംസ്ഥാനത്ത് ജൂണ് 12 വരെ ശക്തമായ മഴയ്ക്കു സാധ്യതയുണ്ട്.
