കൊറിയൻ സിനിമകളും ഡ്രാമകളും കാണുന്നവർക്ക് ഏറ്റവും പ്രിയപ്പെട്ട നടിയാണ് കിം ഹീ സണ്. വർഷങ്ങളായി കൊറിയൻ വിനോദ വ്യവസായത്തില് തിളങ്ങിനില്ക്കുന്ന ഈ താരത്തിന് നിലവില് 50 വയസ്സുണ്ട്.എന്നാല് പ്രായം അമ്പത് കടന്നെങ്കിലും ഒരു ഇരുപതുകാരിയുടെ യൗവനവും ചർമ്മത്തിന്റെ തിളക്കവും നിലനിർത്താൻ കിം ഹീ സണിന് സാധിക്കുന്നുണ്ട്. കൊറിയക്കാരുടെ സിഗ്നേച്ചർ ലുക്കായ ‘ഗ്ലാസ് സ്കിൻ’ ഒട്ടും മങ്ങാതെ താരം എങ്ങനെ കൊണ്ടുപോകുന്നു എന്നത് പലരെയും അത്ഭുതപ്പെടുത്തുന്ന കാര്യമാണ്.
ഒരു അഭിമുഖത്തില്, തന്റെ നിത്യയൗവനത്തിന്റെ പിന്നിലെ ലളിതവും എന്നാല് കൃത്യവുമായ 4 സൗന്ദര്യ രഹസ്യങ്ങള് താരം വെളിപ്പെടുത്തുകയുണ്ടായി. കൃത്രിമ മാർഗ്ഗങ്ങള്ക്ക് പിന്നാലെ പോകാതെ ചർമ്മത്തെ സ്വാഭാവികമായി സംരക്ഷിക്കുന്ന ആ ശീലങ്ങള് ഏതൊക്കെയാണെന്ന് നോക്കാം.
1. കിവി ഫ്രൂട്ട് ഫേസ് മാസ്ക്
കിം ഹീ സണിന്റെ ഏറ്റവും പ്രധാനപ്പെട്ട സൗന്ദര്യ ശീലങ്ങളില് ഒന്നാണിത്. വിറ്റാമിൻ സി, ആന്റിഓക്സിഡന്റുകള് എന്നിവയാല് സമ്പന്നമായ കിവി ഫ്രൂട്ട് ഫേഷ്യല് മാസ്കുകള് താരം ചർമ്മത്തില് സ്ഥിരമായി ഉപയോഗിക്കാറുണ്ട്. കിവി നന്നായി ഉടച്ച് മുഖത്ത് പുരട്ടുന്നത് ചർമ്മത്തിലെ കറുത്ത പാടുകള് മാറാനും, മൃതകോശങ്ങളെ നീക്കം ചെയ്യാനും സഹായിക്കും. പ്രായമാകുമ്പോള് ചർമ്മം തൂങ്ങിപ്പോകുന്നത് തടയാനും കിവിയിലെ ഘടകങ്ങള്ക്ക് സാധിക്കുമെന്നാണ് താരം സാക്ഷ്യപ്പെടുത്തുന്നത്.
2. ചെറുചൂടുവെള്ളത്തിലെ കുളി
കിം ഹീ സണിന്റെ ഏറ്റവും പ്രധാനപ്പെട്ട സൗന്ദര്യ ശീലങ്ങളില് ഒന്നാണിത്. വിറ്റാമിൻ സി, ആന്റിഓക്സിഡന്റുകള് എന്നിവയാല് സമ്പന്നമായ കിവി ഫ്രൂട്ട് ഫേഷ്യല് മാസ്കുകള് താരം ചർമ്മത്തില് സ്ഥിരമായി ഉപയോഗിക്കാറുണ്ട്. കിവി നന്നായി ഉടച്ച് മുഖത്ത് പുരട്ടുന്നത് ചർമ്മത്തിലെ കറുത്ത പാടുകള് മാറാനും, മൃതകോശങ്ങളെ നീക്കം ചെയ്യാനും സഹായിക്കും. പ്രായമാകുമ്പോള് ചർമ്മം തൂങ്ങിപ്പോകുന്നത് തടയാനും കിവിയിലെ ഘടകങ്ങള്ക്ക് സാധിക്കുമെന്നാണ് താരം സാക്ഷ്യപ്പെടുത്തുന്നത്.
2. ചെറുചൂടുവെള്ളത്തിലെ കുളി
ദിവസവും ചെറുചൂടുവെള്ളത്തില് കുളിക്കുന്നത് കിം ഹീ സണ് പതിവാക്കിയിട്ടുണ്ട്. ഇത് ശരീരത്തിലെ രക്തയോട്ടം വർദ്ധിപ്പിക്കാനും പേശികള്ക്ക് ആശ്വാസം നല്കാനും സഹായിക്കും. രക്തയോട്ടം കൃത്യമാകുന്നതോടെ ചർമ്മ കോശങ്ങളിലേക്ക് ഓക്സിജൻ ലഭ്യത കൂടുകയും മുഖത്തിന് സ്വാഭാവികമായ റോസി തിളക്കം ലഭിക്കുകയും ചെയ്യും. മാത്രമല്ല, ഇത് ശരീരത്തിലെ വിഷാംശങ്ങളെ പുറന്തള്ളാനും ഉത്തമമാണ്.
3. വിനാഗിരിയും ഒലിവ് ഓയിലും അടങ്ങിയ ഡയറ്റ്
ഭക്ഷണകാര്യത്തിലും കിം ഹീ സണ് കർശനമായ ചില നിയമങ്ങള് പിന്തുടരുന്നുണ്ട്. തന്റെ ഡയറ്റില് വിനാഗിരി, ഒലിവ് ഓയില് എന്നിവ താരം നിർബന്ധമായും ഉള്പ്പെടുത്താറുണ്ട്. വിനാഗിരി ശരീരത്തിലെ മെറ്റബോളിസം വർദ്ധിപ്പിക്കാനും ദഹനം സുഗമമാക്കാനും സഹായിക്കുമ്പോള്, ഒലിവ് ഓയിലിലെ ആരോഗ്യകരമായ കൊഴുപ്പുകള് ചർമ്മത്തെ ഉള്ളില് നിന്ന് മോയ്സ്ചറൈസ് ചെയ്യുകയും ചുളിവുകള് വീഴുന്നത് തടയുകയും ചെയ്യുന്നു. ഇത് ചർമ്മത്തിന്റെ ഇലാസ്തികത നിലനിർത്താൻ സഹായിക്കും.
4. മനസ്സിന്റെ സന്തോഷം
ഏറ്റവും ചെലവ് കുറഞ്ഞതും എന്നാല് ഏറ്റവും ഫലപ്രദവുമായ ഒരു സൗന്ദര്യ രഹസ്യമായാണ് താരം ഇതിനെ കാണുന്നത്. അനാവശ്യമായ സ്ട്രെസ്സും ആകുലതകളും ചർമ്മത്തിന്റെ ഭംഗി നശിപ്പിക്കുമെന്നാണ് കിം ഹീ സണ് പറയുന്നത്. അതുകൊണ്ട് എപ്പോഴും സന്തോഷത്തോടെയിരിക്കാനും പോസിറ്റീവായി ചിന്തിക്കാനും താരം ശ്രമിക്കാറുണ്ട്. മാനസികമായ സന്തോഷം മുഖത്ത് പ്രതിഫലിക്കുമെന്നും അതാണ് തന്റെ സൗന്ദര്യത്തിന്റെ യഥാർത്ഥ രഹസ്യമെന്നും താരം കൂട്ടിച്ചേർത്തു.
വിലകൂടിയ കെമിക്കല് ഉല്പ്പന്നങ്ങള് ഉപയോഗിക്കുന്നതിന് പകരം ഇത്തരം ലളിതമായ ജീവിതശൈലീ മാറ്റങ്ങളിലൂടെയും സ്വാഭാവിക പരിചരണത്തിലൂടെയും ആർക്കും ചർമ്മത്തിന്റെ ഭംഗിയും ആരോഗ്യവും ദീർഘകാലം നിലനിർത്താൻ സാധിക്കുമെന്നാണ് കിം ഹീ സണിന്റെ ഈ ബ്യൂട്ടി റുട്ടീൻ നമുക്ക് കാണിച്ചു തരുന്നത്.
