ഹ്യൂമന് പാപ്പിലോമ വൈറസ് (HPV) മായി ബന്ധപ്പെട്ട കാന്സര് കേസുകളുടെ എണ്ണം വര്ദ്ധിച്ചുവരികയാണ്.ലൈംഗികമായി പകരുന്ന ഈ വൈറസ് ലൈംഗിക ആരോഗ്യത്തെയും വാക്സിനേഷനെയും കുറിച്ചുള്ള പുതിയ ആശങ്കകള്ക്ക് കാരണമായിട്ടുണ്ട്. ഇന്ത്യയില് തൊണ്ടയിലെ അര്ബുദത്തിന്റെ പ്രധാന കാരണം പുകവലിയാണെങ്കിലും അമേരിക്കയിലും യുകെയിലും ഓറല് സെക്സിലൂടെ പകരുന്ന HPV കാന്സറിന് പ്രധാന കാരണമായി പുകവലിയെ മറികടന്നിട്ടുണ്ടെന്ന് റിപ്പോര്ട്ടുകള് പറയുന്നു.
മിക്ക HPV അണുബാധകളും സ്വയം പരിഹരിക്കപ്പെടുമ്പോള് ചില സ്ട്രെയിനുകള്, അതായത് HPV-16, HPV-18 എന്നിവ ഇപ്പോഴും ശരീരത്തില് തന്നെ തുടരുകയും കാന്സറിന് കാരണമാവുകയും ചെയ്തേക്കാം. ഈ ഉയര്ന്ന അപകടസാധ്യതയുള്ള സ്ട്രെയിനുകള് സെര്വിക്കല് ക്യാന്സറിന് കാരണമാകുന്നതിന് പേരുകേട്ടതാണ്. എന്നിരുന്നാലും ടോണ്സിലുകളെയും നാവിന്റെ അടിഭാഗത്തെയും ബാധിക്കുന്ന ഓറോഫറിന്ജിയല് കാന്സറുകളുമായും അവ ബന്ധപ്പെട്ടിരിക്കുന്നു.
ഓറല് സെക്സിലൂടെ സാധാരണയായി പകരുന്ന HPV തൊണ്ടയിലെ കലകളെ ബാധിക്കുന്നു. ഇന്ത്യയില് HPV യുമായി ബന്ധപ്പെട്ട കാന്സറുകളുടെ വര്ദ്ധനവ് രേഖപ്പെടുത്തിയിട്ടുണ്ടെങ്കിലും പാശ്ചാത്യ രാജ്യങ്ങളെ അപേക്ഷിച്ച് ഇത് ഇപ്പോഴും ചെറിയ അനുപാതത്തിലാണ്. പുകവലി ശീലമില്ലാത്ത 40 നും 50 നും ഇടയില് പ്രായമുള്ള പുരുഷന്മാര്ക്ക് തൊണ്ടയിലെ കാന്സറുണ്ടെന്ന് ഡോക്ടര്മാര് റിപ്പോര്ട്ട് ചെയ്യുന്നുണ്ട്.
