ലോകമെമ്ബാടുമുള്ള മൊബൈല് തട്ടിപ്പുകള് ഇന്ന് ഏറ്റവും വ്യാപകമായ ഡിജിറ്റല് ഭീഷണികളിലൊന്നാണ്. കഴിഞ്ഞ 12 മാസത്തിനിടെ, കൃത്രിമ ബുദ്ധി (AI) ഉപയോഗിച്ച് സൈബർ കുറ്റവാളികള് ലോകമെമ്ബാടും ഏകദേശം 400 ബില്യണ് ഡോളറോളം (നാല്പതിനായിരം കോടി രൂപ) തുക തട്ടിയെടുത്തതയാണ് റിപ്പോർട്ട്. സൈബർസുരക്ഷാ ബോധവല്ക്കരണ മാസാചരണത്തിന്റെ ഭാഗമായി ഗ്ലോബല് ആന്റി-സ്കാം അലയൻസ് പുറത്തുവിട്ട റിപ്പോർട്ടിലാണ് തട്ടിപ്പ് കണക്കുക്കള് വിവരിക്കുന്നത്. കൃത്രിമ ബുദ്ധി ഉപയോഗിച്ച് കൊണ്ടുള്ള സാമ്ബത്തിക തട്ടിപ്പുകള് ആഗോളതലത്തില് വർധിച്ചു വരുന്ന സാഹചര്യത്തില് ആൻഡ്രോയിഡ് തങ്ങളുടെ മള്ട്ടി-ലേയേർഡ് സുരക്ഷാ സംവിധാനങ്ങള് ശക്തിപ്പെടുത്തുകയാണ്. (Android Phones more safer than iOS ).
Google AI-യുടെ മികച്ച സാധ്യതകള് ഉപയോഗിച്ച് കൊണ്ട് ആൻഡ്രോയിഡിന് ആയിരം കോടിയിലധികം സംശയാസ്പദമായ കോളുകളും സന്ദേശങ്ങളും തടയാൻ സാധിക്കുന്നുണ്ട്. ഗൂഗിളും യൂഗോവും (YouGov) ചേർന്ന് നടത്തിയ ഒരു സർവേയില്, ആൻഡ്രോയിഡ് ഉപയോക്താക്കള്ക്ക് വളരെ കുറച്ച് സ്കാം സന്ദേശങ്ങള് മാത്രമേ ലഭിക്കുന്നുള്ളൂവെന്നും അവരുടെ ഉപകരണങ്ങളുടെ സുരക്ഷയില് അവർ കൂടുതല് ആത്മവിശ്വാസമുള്ളവരാണെന്നും കണ്ടെത്തി. ഐഒഎസ് (iOS) ഉപയോക്താക്കളെ അപേക്ഷിച്ച് ആൻഡ്രോയിഡ് ഉപയോക്താക്കള്ക്ക് 58% കുറവ് സ്കാം സന്ദേശങ്ങളാണ് ലഭിക്കുന്നത്. മറുവശത്ത്, iPhone ഉപയോക്താക്കള്ക്ക് ആൻഡ്രോയിഡ് ഉപയോക്താക്കളെ അപേക്ഷിച്ച് 65% കൂടുതല് തട്ടിപ്പ് സന്ദേശങ്ങള് ലഭിക്കുന്നതാണ് കണ്ടെത്തി. കൂടാതെ, iPhone ഉപയോക്താക്കള്ക്ക് അവരുടെ ഫോണിന്റെ സുരക്ഷാ സംവിധാനങ്ങളെ “തികച്ചും ഫലപ്രദമല്ല” എന്ന് വിശേഷിപ്പിക്കാൻ 150% കൂടുതല് സാധ്യതയുണ്ടായിരുന്നതായും പഠനം പറയുന്നു.
വിദഗ്ധരുടെ വിലയിരുത്തല്: AI സംരക്ഷണത്തില് മുന്നില് ആൻഡ്രോയിഡ്ആൻഡ്രോയിഡിന്റെ പ്രധാന സുരക്ഷാ സവിശേഷതകള് പ്ലാറ്റ്ഫോമിലുടനീളം പ്രവർത്തിക്കുന്നു. Google Messages-ല്, അയച്ചയാളുടെ വിശ്വാസ്യതയും സന്ദേശ ഉള്ളടക്കവും അടിസ്ഥാനമാക്കി അറിയപ്പെടുന്ന സ്പാം സന്ദേശങ്ങള് സ്വയമേവ സ്പാം ഫോള്ഡറിലേക്ക് നീക്കപ്പെടും. കൂടുതല് സങ്കീർണ്ണമായ തട്ടിപ്പുകള്ക്കായി, ഓണ്-ഡിവൈസ് AI ഉപയോഗിക്കുന്ന ‘സ്കാം ഡിറ്റക്ഷൻ’ (Scam Detection) സംവിധാനം സംശയാസ്പദമായ സംഭാഷണ രീതികള് തിരിച്ചറിഞ്ഞ് തത്സമയ മുന്നറിയിപ്പുകള് നല്കുന്നു. ഈ പ്രോസസ്സിംഗ് ഉപകരണം വിട്ട് പുറത്തേക്ക് പോകാത്തതിനാല് ഉപയോക്താക്കളുടെ സ്വകാര്യത പൂർണ്ണമായും സുരക്ഷിതമാണ്. ലെവിയാത്തൻ സെക്യൂരിറ്റി ഗ്രൂപ്പ് നടത്തിയ മറ്റൊരു പഠനത്തില്, പിക്സല് 10 പ്രോ, സാംസങ് ഗാലക്സി Z ഫോള്ഡ് 7, മോട്ടോറോള റേസർ+ 2025 എന്നിവ ഉള്പ്പെടുന്ന ആൻഡ്രോയിഡ് ഫോണുകള് ഡീഫോള്ട്ടായി ഏറ്റവും കൂടുതല് ശക്തമായ തട്ടിപ്പ് പ്രതിരോധ സംവിധാനം ഒരുക്കുന്നുവെന്ന് കണ്ടെത്തി.
എങ്ങനെ ആൻഡ്രോയിഡ് തട്ടിപ്പുകള് തടയുന്നു?
ഫോണ് കോളുകള് തടയുന്നതിനായി, ‘ഫോണ് ബൈ ഗൂഗിള്'(Phone by Google) സ്വയമേവ സ്പാം കോളുകള് തടയുന്നു. കൂടാതെ, ‘കോള് സ്ക്രീൻ’ (Call Screen) വഴി ഉപയോക്താവിന് വേണ്ടി കോളിന് മറുപടി നല്കി തട്ടിപ്പുകാരെ തിരിച്ചറിയാനും സാധിക്കുന്നതാണ്. ഉപയോക്താവ് കോളിന് മറുപടി നല്കിയാലും, സംഭാഷണത്തിനിടയില് സംശയാസ്പദമായ പാറ്റേണുകള് തിരിച്ചറിയുന്നതിനും തത്സമയ മുന്നറിയിപ്പുകള് നല്കുന്നതിനും ‘സ്കാം ഡിറ്റക്ഷൻ’ ഉപകരണത്തിലെ AI ഉപയോഗിക്കുന്നു. ഇതിലും കോളിൻ്റെ ഉള്ളടക്കം റെക്കോർഡ് ചെയ്യുകയോ ഉപകരണത്തിന് പുറത്തേക്ക് പോവുകയോ ചെയ്യുന്നില്ല.
കൂടാതെ, ആൻഡ്രോയിഡ് മറ്റ് സുരക്ഷാ നടപടികളും തട്ടിപ്പ് തടയുവാൻ സ്വീകരിക്കുന്നുണ്ട്. സോഷ്യല് എഞ്ചിനീയറിംഗ് വഴി ഉപയോക്താക്കളെ കബളിപ്പിക്കാൻ തട്ടിപ്പുകാർ ശ്രമിക്കുമ്ബോള്, വിശ്വസനീയമല്ലാത്ത ആപ്പുകള് ഇൻസ്റ്റാള് ചെയ്യുകയോ സുരക്ഷാ ക്രമീകരണങ്ങള് മാറ്റുകയോ പോലുള്ള ഉയർന്ന അപകടസാധ്യതയുള്ള പ്രവർത്തനങ്ങള് ചെയ്യാൻ ശ്രമിക്കുമ്ബോള് ആൻഡ്രോയിഡ് അവരെ തടയുകയും മുന്നറിയിപ്പ് നല്കുകയും ചെയ്യുന്നു. മൊബൈല് തട്ടിപ്പിനെതിരെ ആൻഡ്രോയിഡ് സ്മാർട്ട്ഫോണുകള് ഉയർന്ന തലത്തിലുള്ള സമഗ്രവും ബുദ്ധിപരവുമായ സംരക്ഷണം ഉപഭോക്താക്കള്ക്ക് വാഗ്ദാനം ചെയ്യുന്നുവെന്ന് സാങ്കേതിക ഗവേഷണ സ്ഥാപനങ്ങളായ കൗണ്ടർപോയിന്റ് റിസർച്ചും ലെവിയതൻ സെക്യൂരിറ്റി ഗ്രൂപ്പും നടത്തിയ സ്വതന്ത്ര പഠനങ്ങള് കണ്ടെത്തി.
