ബോളിവുഡ് നടനും സംവിധായകനുമായ അനുപം ഖേർ സോഷ്യല് മീഡിയയില് സജീവമായ താരം.തന്റെ ജീവിതത്തിലെ വലുതും ചെറുതുമായ സന്തോഷങ്ങളും യാത്രകളില് കണ്ടു മുട്ടുന്ന കൗതുകങ്ങളും രസകരമായ കാഴ്ചകളുമടക്കം താരം സോഷ്യല് മീഡിയയില് പങ്കിടാറുണ്ട്.ഇപ്പോഴിതാ താരം സോഷ്യല് മീഡിയയില് പങ്കുവച്ച വീഡിയോയാണ് വൈറല് ആകുന്നത്.
അനുപം സഞ്ചരിച്ച ഒരു കാർ കാടിനിടയില് കുടുങ്ങിപോകുന്നതും, പ്രഭാസിന്റെ ഏറ്റവും പുതിയ സിനിമയുടെ സെറ്റിലേക്ക് താരം സാഹസികമായി കയറി പോകുന്നതുമാണ് വീഡിയോ.”എന്റെ 40 വർഷത്തെ സിനിമാ ജീവിതത്തിനിടയില് ഞാൻ എന്റെ ഷൂട്ടിംഗ് ലൊക്കേഷനുകളിലേക്ക് പല വഴികളിലൂടെയും പ്രവേശിച്ചിട്ടുണ്ട്! എന്നാല് ഇന്നത്തേത് പ്രത്യേകത നിറഞ്ഞത് മാത്രമല്ല വളരെ ഹാസ്യാത്മകവുമായിരുന്നു. പ്രഭാസ് നായകനാകുന്ന പേരിടാത്ത ചിത്രത്തിന്റെ ഷൂട്ടിംഗ് ഹൈദരാബാദില് നടക്കുമ്ബോള്, എന്റെ ഡ്രൈവർ ഒരു സാഹസികത കാണിക്കാൻ തീരുമാനിച്ചു.താമസിയാതെ ഞങ്ങള് ഒരു കാട്ടിലേക്ക് പ്രവേശിച്ചു, തുടർന്ന് ഒരു തടസ്സത്തില് അകപ്പെട്ടു. കാർ തിരിച്ചെടുക്കാൻ കഴിഞ്ഞില്ല… പിന്നീട് എന്താണ് സംഭവിച്ചതെന്ന് ദയവായി ഇവിടെ കാണുക…” എന്ന ക്യാപ്ഷൻ നല്കിയാണ് അനുപം ഖേർ വീഡിയോ പങ്കുവെച്ചത്.
