യാത്രയ്ക്കിടെ വിമാനത്തിനുള്ളില് പ്രസവിച്ച് യുവതി. സെനഗലിലെ ഡാകറില് നിന്ന് ബ്രസല്സിലേക്ക് പോകുന്ന വിമാനത്തിലാണ് പ്രസവം നടന്നത്.ഗർഭിണിയായ നാഡി എന്ന യുവതിയാണ് ബ്രസല്സ് എയലെെൻസിന്റെ വിമാനത്തിനുള്ളില് പ്രസവിച്ചത്.
യാത്ര തുടങ്ങി കുറച്ചുകഴിഞ്ഞപ്പോഴാണ് നാഡിയ്ക്ക് വേദന അനുഭവപ്പെട്ടത്. ഫ്ലെെറ്റ് അറ്റൻഡന്റ് ജെന്നിഫർ ജോയിയാണ് ഇത് വെറും വേദനയല്ലെന്ന് മനസിലാക്കിയത്.ഉടൻ ജെന്നിഫർ വിമാനത്തിലുള്ള ആളുകളെ വിവരം അറിയിച്ചു. യാത്രക്കാരുടെ കൂട്ടത്തിലുണ്ടായിരുന്ന ഒരു ഡോക്ടറും 22വയസുകാരിയായ നഴ്സും സഹായിക്കാൻ മുന്നിലേക്ക് വരികയായിരുന്നു. തുടന്ന് ഇവർ ഒരുമിച്ചാണ് നാഡിയുടെ പ്രസവം എടുത്തത്.
എമർജൻസി ലാൻഡിംഗിനായി പെെലറ്റ് വിമാനം തിരിച്ച് ഡാകറിലേക്ക് ഇറക്കുന്നതിനിടെ തന്നെ കുഞ്ഞ് ജനിക്കുകയായിരുന്നു.സംഭവത്തെക്കുറിച്ച് ബ്രസല്സ് എയർലെെൻ സോഷ്യല് മീഡിയയില് പങ്കുവച്ചിരുന്നു. പിന്നാലെ സെെബർലോകവും ഇത് ഏറ്റെടുത്തു. വളരെ പെട്ടെന്നാണ് കുഞ്ഞിന്റെ ശബ്ദം കാബിനില് നിറഞ്ഞതെന്ന് ജെന്നിഫർ പറയുന്നു.
