മുംബൈ:ബിഎംസി തിരഞ്ഞെടുപ്പിൽ സ്വതന്ത്രമായി മത്സരിക്കാനുള്ള തീരുമാനം ഉദ്ധവ് താക്കറെയുടെ ശിവസേന പ്രഖ്യാപിച്ച് ദിവസങ്ങൾക്ക് ശേഷം, എൻസിപി അധ്യക്ഷൻ ശരദ് പവാർ വ്യാഴാഴ്ച പറഞ്ഞു, “ഇന്ത്യ സഖ്യം ദേശീയ തലത്തിലുള്ള തെരഞ്ഞെടുപ്പുകളിൽ മാത്രമാണ് ശ്രദ്ധ കേന്ദ്രീകരിക്കുന്നത്.”വരാനിരിക്കുന്ന പ്രാദേശിക തെരഞ്ഞെടുപ്പിനെക്കുറിച്ച് സംസാരിക്കവെ, മുൻ കേന്ദ്രമന്ത്രി പറഞ്ഞു.
“ഇന്ത്യ സഖ്യത്തിനുള്ളിൽ സംസ്ഥാന, പ്രാദേശിക തെരഞ്ഞെടുപ്പുകളെ കുറിച്ച് ഒരു ചർച്ചയും നടന്നിട്ടില്ല. ഇന്ത്യ സഖ്യം ദേശീയ തലത്തിലുള്ള തെരഞ്ഞെടുപ്പുകൾക്ക് മാത്രമുള്ളതാണ്. മഹാരാഷ്ട്രയിൽ വരാനിരിക്കുന്ന മുനിസിപ്പൽ തിരഞ്ഞെടുപ്പിൽ 8-10 ദിവസത്തിനുള്ളിൽ എല്ലാവരും ഒരുമിച്ച് മത്സരിക്കണോ അതോ സ്വതന്ത്രമായി മത്സരിക്കണോ എന്ന് യോഗത്തിലൂടെ തീരുമാനിക്കും. ശിവസേന (യുബിടി) എംപി സഞ്ജയ് റാവത്ത് തൻ്റെ പാർട്ടി എല്ലാ തദ്ദേശ തിരഞ്ഞെടുപ്പുകളിലും സ്വതന്ത്രമായി മത്സരിക്കുമെന്ന് ശനിയാഴ്ച പ്രഖ്യാപിച്ചതിന് തൊട്ടുപിന്നാലെയാണ് പവാറിൻ്റെ പ്രസ്താവന.
ഉദ്ധവ് താക്കറെ ഞങ്ങൾക്ക് വ്യക്തമായ സൂചന നൽകിയിട്ടുണ്ട്. മുംബൈ മുതൽ നാഗ്പൂർ വരെ ഞങ്ങൾ തദ്ദേശ സ്വയംഭരണ തെരഞ്ഞെടുപ്പിൽ സ്വന്തം ശക്തിയിൽ മത്സരിക്കും. അത് എന്ത് ഫലം ആയാലും ശരി.,” ശിവസേന-യുബിടി നേതാവ് മാധ്യമങ്ങളോട് പറഞ്ഞു. തൻ്റെ അഭിപ്രായത്തിൽ ഇന്ത്യ സഖ്യം അരവിന്ദ് കെജ്രിവാളിനെ പിന്തുണയ്ക്കണമെന്ന് പ്രസ്താവിച്ച പവാർ ഡൽഹി നിയമസഭാ തിരഞ്ഞെടുപ്പിനെ കുറിച്ചും തൻ്റെ കാഴ്ചപ്പാട് വ്യക്തമാക്കി.
