കാർ റാലിയുമായി നടുറോഡില് വഴിതടഞ്ഞ് ഡി.വൈ.എഫ്.ഐ പ്രവർത്തകന്റെ പിറന്നാളാഘോഷം. പത്തനംതിട്ട വെട്ടിപ്രം സ്വദേശി ഷിയാസിന്റെ പിറന്നാളാണ് സെന്റ് പീറ്റേഴ്സ് ജംഗ്ഷനില് ആഘോഷിച്ചത്.
കമ്മട്ടിപ്പാടം എന്ന ഇടത് പ്രവർത്തകരുടെ ക്ലബാണ് ഒരു മണിക്കൂർ നീണ്ട ആഘോഷം സംഘടിപ്പിച്ചത്.
കാർ റാലിയുമായി വഴി തടഞ്ഞാണ് യുവാവിന്റെ പിറന്നാള് ആഘോഷിച്ചത്. ഇരുപതോളം കാറുകളുമായി അൻപതില് അധികം യുവാക്കളാണ് പിറന്നാള് ആഘോഷത്തിന് പങ്കെടുത്തത്. കമ്മട്ടിപ്പാടം എന്ന ഇടത് പ്രവർത്തകരുടെ ക്ലബ്ബാണ് ഒരു മണിക്കൂർ നീണ്ട ആഘോഷം സംഘടിപ്പിച്ചത്.
എന്നാല് സംഭവത്തെ കുറിച്ച് അറിയില്ലെന്ന് ഡി.വൈ.എഫ്.ഐ ജില്ലാ നേതൃത്വം വിശദീകരിച്ചു. ജില്ലയില് മൂന്നാം തവണയാണ് പൊതുനിരത്തില് പിറന്നാള് ആഘോഷം നടക്കുന്നത്. സിനിമാ ഡയലോഗുകളും മ്യൂസിക്കുമായി പിറന്നാളാഘോഷത്തിന്റെ വീഡിയോയും സമൂഹമാധ്യമങ്ങളില് പങ്കുവെച്ചിരുന്നു.
