മകളുടെ വിവാഹത്തിനായി സൗദിയില് നിന്നും മകളോടൊപ്പം നാട്ടിലെത്തിയ പിതാവും മകളും വാഹനാപകടത്തില് മരിച്ചു. ദേശീയപാതയില് ഹരിപ്പാട് കരുവാറ്റാ കെവി ജെട്ടി ജങ്ഷനിലുണ്ടായ വാഹനാപകടത്തിലാണ് അച്ഛനും മകളും മരിച്ചത്. വള്ളികുന്നം സ്വദേശി സത്താർ ഹാജി, മകള്ആലിയ (20)എന്നിവരാണ് മരിച്ചത്.
വിമാനത്താവളത്തില് നിന്ന് വീട്ടിലേക്ക് പോകുന്നതിനിടെയായിരുന്നു അപകടം.വഴിയോരത്ത് നിർത്തിയിട്ടിരുന്ന ലോറിക്ക് പിന്നില് ഇവർ സഞ്ചരിച്ച ഇന്നോവ ഇടിക്കുകയായിരുന്നു. സൗദിയിലായിരുന്ന ഇരുവരും വിവാഹത്തിനായി നാട്ടിലെത്തിയതായിരുന്നു. സൗദി തുഖ്ബ ഐ സി എഫ് സജീവപ്രവർത്തകനായിരുന്നു അപകടത്തില് മരിച്ച സത്താർ ഹാജി.
മകളുടെ മകളുടെ മൃതദേഹം വണ്ടാനം മെഡിക്കല് കോളജിലും, സത്താർഹാജിയുടെ മൃതദേഹം പരുമല ആശുപത്രിയിലെ മോർച്ചറിയിലുമാണ് ഉളളത്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കള്ക്ക് വിട്ട നല്കി. വൈകീട്ട് നാലുമണിക്ക് കാഞ്ഞിരപ്പുഴപള്ളിക്കുറ്റി ജമാഅത്ത് പള്ളിയില് ഖബറടക്കും.
