ഒരുമിച്ച് ജീവിക്കുന്നതിന് വേണ്ടി ആദിലയും നൂറയും നടത്തിയ പോരാട്ടം മലയാളികള്ക്കറിയാവുന്നതാണ്. തന്റെ പങ്കാളിയെ വീട്ടുകാർ പിടിച്ചുവെച്ചിരിക്കുന്നു എന്ന് പറഞ്ഞ് ആദില കോടതിയില് ഹേബിയസ് കോർപസ് ഹർജി ഫയല് ചെയ്തു. സ്വവർഗാനുരാഗികളായ ഇരുവരേയും അവരുടെ ഇഷ്ടത്തിന് ഒരുമിച്ച് ജീവിക്കാൻ അനുവദിക്കുന്ന ചരിത്ര വിധിയാണ് അന്ന് ഹൈക്കോടതിയില് നിന്ന് വന്നത്.
ഇപ്പോള് ബിഗ് ബോസിലൂടെ മലയാളികളുടെ ശ്രദ്ധ പിടിക്കുമ്ബോള് തങ്ങളുടെ പ്രണയ കഥ പറയുകയാണ് ഇവർ.”പ്ലസ് വണ്ണില് പഠിക്കുമ്ബോഴാണ് നൂറയെ പരിചയപ്പെടുന്നത്. പ്ലസ് ടുവിലേക്ക് വന്നപ്പോള് റിലേഷൻഷിപ്പിലായി. എനിക്ക് ഇവളോട് ഒരു ക്രഷ് ഉണ്ടായിരുന്നു. ക്ലാസിലേക്ക് ആദ്യം അവള് വന്നപ്പോള് തന്നെ അട്രാക്ഷൻ തോന്നി. ഷാള് എല്ലാം ഇട്ട് വന്നപ്പോള് ഒരു മൊഞ്ചത്തിക്കുട്ടി ആയിരുന്നു. എനിക്ക് ഒരു പെണ്കുട്ടിയോട് അട്രാക്ഷൻ തോന്നുന്നു എന്ന് ഞാൻ തിരിച്ചറിഞ്ഞത് നൂറയെ കണ്ടപ്പോഴാണ്, ബിഗ് ബോസ് ഹൗസില് ആദില പറഞ്ഞു.
“നൂറയുടെ ചുണ്ട് എനിക്ക് ഒരുപാട് ഇഷ്ടമാണ്. ഇതുപോലെ ചുണ്ടുള്ള ആളുകളെ ഞാൻ സിനിമയിലേ കണ്ടിട്ടുള്ളു. നമ്മളിലൊരാള് ആണായിരുന്നു എങ്കില് എന്ത് എളുപ്പമായിരുന്നേനെ നമുക്ക് വിവാഹം കഴിക്കാൻ എന്ന് ഞാൻ അവളോട് പറഞ്ഞു. അവള്ക്കും എന്നോട് അങ്ങനെ തോന്നിയിട്ടുണ്ട് എന്ന് പറഞ്ഞു. അതോടെയാണ് ഞങ്ങള് രണ്ട് പേർക്കും പരസ്പരം അങ്ങനെയൊരു ഇഷ്ടം ഉണ്ടെന്ന് തിരിച്ചറിയുന്നത്.”
