റായ്ഗഡ് :74 വയസ്സുള്ള മുത്തശ്ശി ജാനകി കനയ്യ നിർഗുഡയെ കൊലപ്പെടുത്തിയതായി സമ്മതിച്ചതിനെ തുടർന്ന് 16 വയസ്സുള്ള പ്രായപൂർത്തിയാകാത്ത ആൺകുട്ടിയെ പൻവേൽ താലൂക്ക് പോലീസ് കസ്റ്റഡിയിലെടുത്തു. ഏപ്രിൽ 3 നാണ് നടന്ന സംഭവം നടന്നത്, മൂന്ന് ദിവസത്തിന് ശേഷം പൻവേൽ താലൂക്കിലെ ടവർവാഡിക്കും ധാംനിക്കും ഇടയിലുള്ള ഒരു വനപാതയിൽ നിന്നുമാണ് മൃതദേഹം കണ്ടെത്തിയത്.
വീട്ടിൽ പലപ്പോഴും മുത്തശ്ശി തന്നെ ശകാരിക്കുകയും മോഷണക്കുറ്റം ആരോപിക്കുകയും ചെയ്തിരുന്നു എന്നാരോപിച്ചാണ് കൗമാരക്കാരൻ മുത്തശ്ശിയെ ഒരു ടവൽ ഉപയോഗിച്ച് കഴുത്തുഞെരിച്ചു കൊലപ്പെടുത്തിയതെന്ന് പോലീസ് പറഞ്ഞു.
അന്വേഷണത്തിൽ, ഏപ്രിൽ 3 ന് മൃതദേഹം കണ്ടെത്തിയ അതേ സ്ഥലത്താണ് കുട്ടി ഉണ്ടായിരുന്നതെന്ന് പോലീസ് കണ്ടെത്തി, അതിനാൽ ഉടൻ കസ്റ്റഡിയിലെടുത്തു.ഒരു ജോലിയും ചെയ്യാത്തതിന് മുത്തശ്ശി പലപ്പോഴും തന്നെ ശകാരിക്കാറുണ്ടെന്നും കുട്ടി പറഞ്ഞു.ഏഴാം ക്ലാസ് മുതൽ സ്കൂൾ പഠനം നിർത്തിയ കുട്ടി അന്നുമുതൽ വീട്ടിലുണ്ട്.
കുട്ടിയെ ജുവനൈൽ ഹോമിലേക്ക് അയയ്ക്കുന്നതിനുള്ള തുടർ നടപടികൾ ആരംഭിച്ചതായി പോലീസ് പറഞ്ഞു
