ഹോളിയാണ്, നിറങ്ങളുടെ ഉത്സവം. അതിനി ആകാശത്തായാലും ഒഴിവാക്കുന്നതെങ്ങനെ? സ്പൈസ് ജെറ്റ് ക്യാബിന് ക്രൂ അംഗങ്ങള് തങ്ങളുടെ യാത്രക്കാര്ക്ക് വേണ്ടി ഒരുക്കിയ ഹോളി ആഘോഷം കണ്ട് മതിമറന്നത് സമൂഹ മാധ്യമ ഉപയോക്താക്കള്.പതിവായി ചില എയർലൈനുകള്ക്കെതിരെ യാത്രക്കാര് നിരന്തരം പരാതി പറയുന്നതിനിടെയാണ് സ്പൈസ് ജെറ്റ് കാബിന് ക്രൂ അംഗങ്ങളുടെ ഈ ഹോളി ആഘോഷം. അതും യാത്രക്കാര്ക്ക് വേണ്ടി.
അതെങ്ങനെ മിസ്സാക്കുമെന്നാണ് സമൂഹ മാധ്യമ ഉപയോക്താക്കളും ചോദിക്കുന്നത്.സ്പൈസ് ജെറ്റിന്റെ ഔദ്ധ്യോഗിക ഇന്സ്റ്റാഗ്രാം ഹാന്ലിലിലാണ് വീഡിയോ പങ്കുവച്ചത്. യാത്രക്കാരെ ചന്ദനം തൊട്ട് വിമാനത്തിലേക്ക് ആനയിക്കുന്നിടത്താണ് വീഡിയോ തുടങ്ങുന്നത്. പിന്നാലെ സീറ്റുകള്ക്കിടയിലെ സ്ഥലത്ത് അണിനിരക്കുന്ന ക്രാബിന് ക്രൂ അംഗങ്ങള് ഹിറ്റ് ബോളിവുഡ് ഗാനമായ ബാലം പിച്ചകാരിയുടെ താളത്തിന് അനുസരിച്ച് ചുവടുകള് വയ്ക്കുന്നു. പരിമിതമായ സ്ഥലമായിരുന്നിട്ടും ക്രാബിന് ക്രൂ അംഗങ്ങളെല്ലാവരും ആസ്വദിച്ച് നൃത്തം ചെയ്യുന്നത് വീഡിയോയില് കാണാം. ചില യാത്രക്കാര് നൃത്തത്തില് പങ്കുചെരുന്നു.
