മുംബൈ:9,000 രൂപ കൈക്കൂലി ആവശ്യപ്പെട്ട് വാങ്ങിയതിന് മുളുണ്ട് മുംബൈ സബർബൻ സ്റ്റേഷനിലെ സ്റ്റേഷൻ മാസ്റ്ററെ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) അറസ്റ്റ് ചെയ്തു. മുളുണ്ട് റെയിൽവേ സ്റ്റേഷനിലെ സ്റ്റേഷൻ മാസ്റ്ററായ ലക്ഷ്മൺ ദാസ് ആണ് പിടിയിലായത്.
സ്വകാര്യ കമ്പനിക്കുവേണ്ടി മുളുണ്ട് റെയിൽവേ സ്റ്റേഷനിലെ പാർക്കിംഗ് നോക്കുന്ന പരാതിക്കാരനിൽ നിന്ന് പ്രതി കൈക്കൂലി ആവശ്യപ്പെട്ടുവെന്നാരോപിച്ച് സിബിഐ പ്രതിക്കെതിരെ കേസ് രജിസ്റ്റർ ചെയ്തു.
2025 ഫെബ്രുവരിയിൽ, മുളുണ്ട് റെയിൽവേ സ്റ്റേഷനിലെ കുറ്റാരോപിതനായ സ്റ്റേഷൻ മാസ്റ്റർ തന്റെ പാർക്കിംഗിൽ വന്ന് പ്രതിമാസം 10,000 രൂപ കൈക്കൂലിയായി ആവശ്യപ്പെട്ടതായും അയാൾക്ക് സുഗമമായി പ്രവർത്തിക്കാൻ അനുവദിക്കുമെന്നും പറഞ്ഞു . പ്രതിയായ സ്റ്റേഷൻ മാസ്റ്റർ പ്രതിമാസ കൈക്കൂലി തുകകൾ ആവശ്യപ്പെട്ടുകൊണ്ടിരുന്നുവെന്നാണ് റിപ്പോർട്ടുകൾ സൂചിപ്പിക്കുന്നത്.
