നമ്മുടെ നാട്ടില് സുലഭമായി കിട്ടുന്ന മീനാണ് ചൂര അഥവാ ട്യൂണ. സീസണനുസരിച്ച് ഈ മീനിന്റെ വില കൂടിയും കുറഞ്ഞുമൊക്കെ കാണാം.അതായത് വലിയ വില കൊടുത്തൊന്നും വാങ്ങേണ്ട മീനല്ല. സാധാരണക്കാരനും വാങ്ങാവുന്ന മീന് തന്നെയാണ്. എന്നാല് ജപ്പാനില് അങ്ങനെയല്ല. ഈ മീനിന് വലിയ ഡിമാന്റാണ്.
റെക്കോര്ഡ് വിലയിലാണ് അവിടെ ഈ മീന് വില്ക്കപ്പെടുന്നത്. ഈ ചൂരമീന് അവിടുത്തെ വിവിഐപിയാണ്.ഈ അടുത്താണ് ജപ്പാനില് ഒരു ട്യൂണ വിറ്റത് വൈറലായത്. റെക്കോര്ഡ് വിലയ്ക്കാണ് ഈ മീന് വിറ്റു പോയത്. വില കേട്ട് ഞെട്ടിപ്പോവരുത്. 11 കോടി രൂപയ്ക്കാണ് ഈ മീന് വിറ്റിരിക്കുന്നത്. 276 കിലോ ഭാരവുമുണ്ട് ഈ മീനിന്. ലേലത്തിലാണ് ഇത്രയും വലിയ തുകയ്ക്ക് ഈ മീന് വില്ക്കപ്പെടുന്നത്. ഒരു ബൈക്കിന്റെ ഭാരവും നീളവുമുള്ള ഈ മല്സ്യത്തെ അമോറിയുടെ വടക്കുകിഴക്കന് പ്രിഫെക്ചറിലെ ഒമാ തീരത്തു നിന്നാണ് പിടിച്ചിരിക്കുന്നത്.
ടോക്കിയോയിലെ ടൊയോസു മാര്ക്കറ്റിലാണ് ഈ മീന് ലേലത്തില് റെക്കോര്ഡ് വിലയ്ക്കു വിറ്റത്. അവിടുത്തെ പ്രധാന റസ്റ്ററന്റായ ഒനോഡെറ ഗ്രൂപ്പാണ് ഇത്രയും രൂപ നല്കി ഈ മീന് വാങ്ങിയിരിക്കുന്നത്. ജനുവരിയില് നടന്ന പുതുവല്സര ലേലത്തിലാണ് ഇവര് ട്യൂണ വാങ്ങുന്നത്.
ബ്ലൂഫിന് വിഭാഗത്തില് പെട്ട ഈ മീന് ഉപയോഗിച്ചുള്ള വിഭവങ്ങള് ഒനൊഡേറ യുടെ റസ്റ്ററന്റുകളിലെല്ലാം വിളമ്ബുമെന്നാണ് ഒനൊഡെറ ഗ്രൂപ്പ് അറിയിച്ചിരിക്കുന്നത്. ജാപ്പനീസുകാരുടെ വിശ്വാസ പ്രകാരം ട്യൂണ മീന് ഭാഗ്യം കൊണ്ടുവരുമെന്നാണ്. ഇവരുടെ വിശ്വാസ പ്രകാരം ട്യൂണ കഴിക്കുന്നവര്ക്ക് അടുത്ത വര്ഷം മികച്ചതായിരിക്കുമെന്നും പറയപ്പെടുന്നു.
