“അത് മൂഞ്ചിയ പരിപാടിയാണ്; ഈ പണി നമ്മുടെ അടുത്ത് കാണിക്കരുത്; ഞാൻ ഊരിക്കോണ്ട് പോകും”: പ്രായ പൂർത്തിയാകാത്ത പെൺകുട്ടികളോടൊപ്പം സംശയാസ്പദമായ സാഹചര്യത്തിൽ പൊന്തക്കാടിനുള്ളിൽ കണ്ടെത്തിയ യുവാവിനെ ചോദ്യം ചെയ്തതിന് പോലീസ് ഉദ്യോഗസ്ഥരുടെ നേരെ ഭീഷണിയുമായി ആലപ്പുഴയിലെ സിപിഎം ലോക്കൽ സെക്രട്ടറി – വിശദാംശങ്ങളും ഓഡിയോ ക്ലിപ്പ് വാർത്തയോടൊപ്പം.

സ്കൂൾ വിദ്യാർത്ഥിനികളെ ഉൾപ്പടെ പ്രദേശത്ത് കണ്ടതോടെ പൊലിസ് വിശദാംശങ്ങൾ തേടി . ഇക്കൂട്ടത്തിലുണ്ടായിരുന്ന ലോക്കൽ കമ്മറ്റി സെക്രട്ടറിയുടെ സഹോദരന്റെ മകൻ പൊലിസിന് നേരെ തട്ടിക്കയറുകയായിരുന്നു. തുടർന്ന് മാരാരിക്കുളം പൊലിസ് ഇവരെ സ്റ്റേഷനിൽ വിളിച്ചു വരുത്തുകയും ഹെൽമെറ്റ് ഇല്ലാത്തതിന് പിഴയടപ്പിച്ച ശേഷം വിട്ടയക്കുകയും ചെയ്തു. സംശയങ്ങൾ നിലനിൽക്കുന്നതിനാൽ ഇവരുടെ ഫോൺ പൊലിസ് കൂടുതൽ പരിശോധനക്കായി വാങ്ങി വച്ചു.

ഇതിൽ പ്രകോപിതനായി ആണ് കഞ്ഞിക്കുഴി ലോക്കൽ കമ്മറ്റി സെക്രട്ടറി പരിശോധന നടത്തിയ നർകോട്ടിക് സെൽ ഉദ്യോഗസ്ഥരിൽ ഒരാളായ ഷൈൻ കെ എസിനെ വിളിക്കുന്നത്. ഞാൻ നാളെ സ്ഥലത്ത് എത്തിയ ശേഷം അവരെ ഊരിക്കൊണ്ടു പോകുമെന്ന് ലോക്കൽ കമ്മറ്റി സെക്രട്ടറി വെല്ലുവിളിക്കുന്നു. എസ് ഐ ഉൾപ്പടെയുള വരെ സ്റ്റേഷനിൽ എത്തി കൈകാര്യം ചെയ്യുമെന്നായിരുന്നു ഭീഷിണി തുടർന്നങ്ങോട്ട് കേട്ടാലറയ്ക്കുന്ന അസഭ്യവർഷവും . തിരുത്തലാവശ്യപ്പെട്ട് പാർട്ടി കുടുംബാംഗം കൂടിയായ ഉദ്യോഗസ്ഥൻ കഞ്ഞിക്കുഴിഏരിയാ സെക്രട്ടറി, സി പി എം ജില്ലാ സെക്രട്ടറി ആർ നാസർ എന്നിവർക്ക് ശബ്ദരേഖയടക്കം പരാതി നൽകിയിരുന്നു ‘ഇതാണ് ഇപ്പോൾ പാർട്ടി ഗ്രൂപ്പുകളിൽ സജീവമായി പ്രചരിക്കുന്നത്..അതേസമയം സംസാരിച്ചത് താൻ അല്ല എന്ന നിലപാടിലാണ് ഹെബിൻ ദാസ്.