സമൂഹ മാധ്യമങ്ങളില് ഇപ്പോള് എമ്പുരാൻ തരംഗമാണ്. ഓരോ ദിവസവും സിനിമയുടേതായി വരുന്ന അപ്ഡേറ്റുകള് കീറിമുറിച്ച് അതിലെ ബ്രില്യൻസുകള് കണ്ടുപിടിക്കുകയാണ് ആരാധകർ. ഏറെ കാത്തിരിപ്പുകള്ക്കൊടുവില് സിനിമയുടെ ട്രെയ്ലർ എത്തിയപ്പോള് അതിലെ പല രംഗങ്ങളിലെയും ബ്രില്യൻസുകള് ചർച്ചയാകുന്നുണ്ട്. അതില് തന്നെ പ്രധാനപ്പെട്ട ഒന്നാണ് ട്രെയ്ലറിലെ ഒരു രംഗത്തില് കാണിക്കുന്ന ഐയുഎഫ് എന്ന പാർട്ടി ഓഫീസിലെ ബോർഡിലെ ബ്രില്യൻസ്.
ട്രെയ്ലറില് മിന്ന്യം പോലെ കാണിക്കുന്ന രംഗത്തില് ഐയുഎഫ് എന്ന പാർട്ടി ഓഫീസിന്റെ ചുവരില് പാർട്ടിയുടെ മുൻ അധ്യക്ഷന്മാരുടെ പേരുകള് കാണിക്കുന്നുണ്ട്. എം ഒ വേലായുധൻ നായർ, സി കെ ഗോവിന്ദ വർമ്മ, കെ എ ഉമ്മൻ, പി കെ ആന്റണി, പത്മരാജൻ നാടാർ, പി ആർ തോമസ്, വയലാർ പവിത്രൻ, മുരളീധരൻ പി കെ, പി പി തങ്കപ്പൻ, തെന്നല കൃഷ്ണപിള്ള, സുമേഷ് ചെന്നിത്തല തുടങ്ങിയ പേരുകളാണ് കാണിക്കുന്നത്. ഇത് കേരളത്തിലെ പല പ്രമുഖ രാഷ്ട്രീയ നേതാക്കളുടെ പേരുകളോട് സാമ്യമുള്ള പേരുകളാണ്.
ഈ പേരുകളിലെല്ലാം കാണുന്നത് തിരക്കഥാകൃത്ത് മുരളി ഗോപിയുടെയും സംവിധായകൻ പൃഥ്വിരാജിന്റെയും ബ്രില്യൻസാണെന്ന് പ്രേക്ഷകർ അഭിപ്രായപ്പെടുന്നു. നാലു മിനിറ്റില് താഴെ മാത്രം ദൈർഘ്യമുള്ള ട്രെയ്ലറില് ഇത്രയേറെ കാര്യങ്ങള് ഒളിപ്പിച്ചുവച്ചിട്ടുണ്ടെങ്കില് സിനിമയില് അത് എത്രത്തോളം ഉണ്ടാകുമെന്നാണ് പലരും ചോദിക്കുന്നത്.അതേസമയം എമ്ബുരാൻ മാര്ച്ച് 27-ന് ആഗോള റിലീസായെത്തും. വിദേശ രാജ്യങ്ങളിലെ എമ്ബുരാന്റെ അഡ്വാൻസ് ബുക്കിംഗ് ആരംഭിച്ചു കഴിഞ്ഞു. മാര്ച്ച് 21 രാവിലെ 9 മണി മുതലാണ് ഇന്ത്യയിലെ ബുക്കിങ് ആരംഭിക്കുന്നത്. ഓവർസീസില് ബുക്കിങ് ആരംഭിച്ച ചിത്രത്തിന് മികച്ച പ്രതികരണമാണ് ലഭിക്കുന്നതെന്നാണ് റിപ്പോർട്ടുകള്.
