“രാജ്യത്ത് കോണ്ടം ഏറ്റവും അധികം ഉപയോഗിക്കുന്നത് മുസ്ലീങ്ങൾ”: പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ആഞ്ഞടിച്ച് അസദുദ്ദീൻ ഒവൈസി; വീഡിയോ കാണാം.

പ്രധാനമന്ത്രി നരേന്ദ്ര മോദിയുടെ മുസ്ളീം വിരുദ്ധ പരാമർശത്തിന് മറുപടിയുമായി ഓള്‍ ഇന്ത്യ മജ്‌ലിസ്-ഇ-ഇത്തെഹാദുല്‍ മുസ്ലിമീൻ(എഐഎംഐഎം) മേധാവി അസദുദ്ദീൻ ഒവൈസി. കോണ്‍ഗ്രസ് അധികാരത്തിലെത്തിയാല്‍ നുഴഞ്ഞുകയറ്റക്കാർക്കും, കൂടുതല്‍ കുട്ടികളുള്ളവർക്കും രാജ്യത്തിന്റെ വിഭവങ്ങള്‍ വീതിച്ചു കൊടുക്കുമെന്ന മോദിയുടെ പരാമർശത്തിലാണ് ഒവൈസി പ്രതികരിച്ചത്.

‘മുസ്ളീങ്ങള്‍ കൂടുതല്‍ കുട്ടികള്‍ക്ക് ജന്മം നല്‍കുന്നുവെന്ന തരത്തില്‍ ഭയം ജനിപ്പിക്കാൻ എന്തിനാണ് നിങ്ങള്‍ ശ്രമിക്കുന്നത്? മോദി സർക്കാരിന്റെ കണക്കുകള്‍ പ്രകാരം മുസ്ളീം വിഭാഗത്തിന്റെ ജനസംഖ്യാനിരക്കും ഗർഭധാരണ നിരക്കും കുറയുകയാണുണ്ടായത്. മുസ്ളീങ്ങളാണ് ഏറ്റവും കൂടുതല്‍ കോണ്ടം ഉപയോഗിക്കുന്നത്. ഇത് തുറന്ന് പറയുന്നതില്‍ എനിക്ക് അപമാനമൊന്നുമില്ല.