സ്നേഹം തുളുമ്ബുന്ന ചുവടുകൾ; ഒരുമിച്ച് നൃത്തം ചവിട്ടി മണിക്കൂറുകൾക്കകം ഭര്‍ത്താവിനെ വെട്ടിനുറുക്കി; ക്രൂരതയുടെ ആള്‍രൂപമായി മുസ്കാൻ -വിഡിയോ

ഭാര്യയുടെയും മകളുടെയും ജന്മദിനമാഘോഷിക്കാൻ ലണ്ടനില്‍നിന്നെത്തിയ മർച്ചന്റ് നേവി ഉദ്യോഗസ്ഥനെ ഭാര്യയും കാമുകനും ചേർന്ന് അതിക്രൂരമായി കൊലപ്പെടുത്തിയ വാർത്തക്കുപിന്നാലെ ദമ്ബതികള്‍ ഒന്നിച്ച്‌ നൃത്തം ചെയ്യുന്ന വിഡിയോ സമൂഹ മാധ്യമങ്ങളില്‍ പ്രചരിക്കുന്നു. മകള്‍ക്കൊപ്പം ഇരുവരും നൃത്തം ചെയ്യുന്നതാണ് വൈറലായ ദൃശ്യത്തിലുള്ളത്.

മകളുടെ ജന്മദിനത്തിലാണ് സൗരഭ് രജപുത്ത് ഭാര്യ മുസ്കാൻ റസ്തോഗിക്കൊപ്പം നൃത്തം ചെയ്യുന്നത്. മീററ്റിലെ ഒരു ഹോട്ടലില്‍ സംഘടിപ്പിച്ച ജന്മദിനാഘോഷ ചടങ്ങിലായിരുന്നു ഇരുവരുടെയും നൃത്തം. എന്നാല്‍, ആ നൃത്തച്ചുവടുകള്‍ക്ക് പിന്നാലെയാണ് രാജ്യത്തെ ഞെട്ടിച്ച അരുംകൊല അരങ്ങേറിയത്. തന്നെ അത്രയേറെ സ്നേഹിക്കുന്ന ഭർത്താവിന്റെ ചുവടുകള്‍ക്കൊപ്പിച്ച്‌ ആനന്ദ നൃത്തമാടിയതിനു പിന്നാലെയാണ് സൗരഭിനെ മുസ്കാനും കാമുകൻ സാഹില്‍ ശുക്ലയും ചേർന്ന് കൊലപ്പെടുത്തിയത്.