വീട്ടുകാരെ ഉപേക്ഷിച്ച് എത്തിയ യുവതിയെ ബസ്റ്റോപ്പിൽ ഉപേക്ഷിച്ച് കാമുകൻ; കുഴഞ്ഞുവീണ യുവതിയെ അഭയകേന്ദ്രത്തിൽ എത്തിച്ചു പോലീസ്; ചതിവിൽ പെട്ടത് കോട്ടയം ഞീഴൂർ സ്വദേശിയായ യുവതി: വിശദാംശങ്ങൾ വായിക്കാം.

വീട്ടുകാരെ ഉപേക്ഷിച്ച്‌ കാമുകനൊപ്പം പോയ യുവതിയെ കാമുകൻ ബസ്റ്റ് സ്റ്റോപ്പില്‍ ഉപേക്ഷിച്ച്‌ കടന്നുകളഞ്ഞു. ഞീഴൂർ സ്വദേശിനിയായ യുവതിയെയാണ് കാമുകൻ ബസ് സ്റ്റോപ്പില്‍ ഉപേക്ഷിച്ചത്. ഇന്നലെ വൈകുന്നേരമാണ് മാഞ്ഞൂർ മാൻവെട്ടം ജംഗ്ഷനിലെ ബസ് കാത്തിരിപ്പു കേന്ദ്രത്തില്‍ കാമുകിയെ ഉപേക്ഷിച്ച്‌ പത്തനംതിട്ട സ്വദേശിയായ യുവാവ് കടന്നു കളഞ്ഞത്. ഇതിന് പിന്നാലെ യുവതി കുഴഞ്ഞു വീഴുകയും ചെയ്തു.

കിഴക്കമ്ബലത്തെ സ്വകാര്യ കമ്ബനിയില്‍ ജോലി ചെയ്യുന്ന യുവതി ഏതാനും ആഴ്ചകള്‍ക്കു മുൻപാണു പത്തനംതിട്ട സ്വദേശിയായ യുവാവിനൊപ്പം പോയത്. ഇന്നലെ ഉച്ചയോടെ മാൻവെട്ടം ജംക്‌ഷനിലെ ബസ് കാത്തിരിപ്പുകേന്ദ്രത്തില്‍ യുവതിയും യുവാവും എത്തി. ഇരുവരും തമ്മില്‍ സംസാരിച്ചിരിക്കുന്നതു നാട്ടുകാർ കണ്ടിരുന്നു.