കോട്ടയത്ത് യുഡിഎഫ് പ്രചരണം അടിമുടി പാളുന്നു: ജോസഫ് ഗ്രൂപ്പിലെയും, മറ്റ് ഈർക്കിൽ ഘടക കക്ഷികളിലെയും അത്യാഗ്രഹികൾ എല്ലാം കയ്യടക്കുമ്പോൾ വിറകുവെട്ടികളായി കോൺഗ്രസ് പ്രവർത്തകരും യൂത്ത് കോൺഗ്രസ് പ്രവർത്തകരും; അമർഷം പുകയുന്നു.

വാഹന പര്യടനത്തിന് പ്രവർത്തകരെയും ടൂവീലറുകളെയും സജ്ജമാക്കിയ യൂത്ത് കോൺഗ്രസ് നേതാവിന് അതിന്റെ ഒന്നും ആവശ്യമില്ല എന്ന മറുപടിയാണ് ജോസഫ് ഗ്രൂപ്പിലെ ഒരു പ്രമുഖൻ നൽകിയത്. വീടുകയറാനും നോട്ടീസ് കൊടുക്കാനും പോകുന്ന കോൺഗ്രസ് പ്രവർത്തകരുടെ മനോവികാരത്തെ പോലും തകർക്കുന്ന രീതിയിൽ പ്രസംഗ അഭ്യാസങ്ങൾ നടത്തിയാണ് ജോസഫ് ഗ്രൂപ്പിലെ നേതാക്കൾ ചാരിതാർത്ഥ്യം അണയുന്നത്. ജോസഫ് ഗ്രൂപ്പുകാർ തമ്മിലുള്ള തമ്മിൽത്തല്ല് തീർക്കലാണ് പലപ്പോഴും തെരഞ്ഞെടുപ്പ് പ്രചരണ സമിതിയുടെ പ്രധാന കർമ്മപരിപാടി എന്ന നിലയ്ക്കാണ് കാര്യങ്ങളുടെ പോക്ക്.

കോൺഗ്രസിലെയും പല പ്രാദേശിക കടൽ കിഴവന്മാരും പ്രസംഗിച്ചു വെറുപ്പിക്കാൻ രംഗത്തിറങ്ങിയിട്ടുണ്ട്. ജോസഫ് ഗ്രൂപ്പുകാർക്ക് പിന്നാലെ ഇവരുടെ കൂടെ വെറുപ്പീരാകുന്നതോടെ മനസ്സും അടുത്തു കോൺഗ്രസിലെ ചെറുപ്പക്കാരും സാധാരണ പ്രവർത്തകരും എല്ലാം പ്രചരണ രംഗത്ത് നിന്ന് മാറിനിൽക്കുകയാണ്. കോൺഗ്രസ് പ്രവർത്തകരെ വെറുപ്പിക്കാൻ ജോസഫ് ഗ്രൂപ്പുകാർക്കൊപ്പം ഈർക്കിൽ കക്ഷികളായ കോട്ടയത്ത് മറ്റ് ഘടകകക്ഷികളുടെ നേതാക്കളും സജീവമാണ്. ഫ്രാൻസിസ് ജോർജ് നോടുള്ള സ്നേഹം പോലും ഇല്ലാതാക്കി കളയുന്ന രീതിയിൽ ഘടകകക്ഷികളുടെ മെക്കിട്ട് കേറ്റം കോട്ടയത്തെ വിജയസാധ്യതയെ പോലും ഇനിയുള്ള ദിവസങ്ങളിൽ ബാധിക്കും എന്ന ആശങ്കയിലാണ് യുഡിഎഫ് അനുഭാവികൾ.