“കേന്ദ്ര-സംസ്ഥാന സർക്കാരുകളുടെ ഫാസിസ്റ്റ് നയങ്ങൾക്കെതിരായുള്ള പോരാട്ടം, എളിയ നിലയിൽ സാമ്പത്തിക പിന്തുണ തേടുന്നു”: എൽഡിഎഫിന്റെയും, എൻഡിഎയുടെയും പണക്കൊഴുപ്പിന്റെ രാഷ്ട്രീയത്തെ നേരിടാൻ ജനങ്ങളോട് സഹായം അഭ്യർത്ഥിച്ച് കോട്ടയത്തെ യുഡിഎഫ് സ്ഥാനാർത്ഥി ഫ്രാൻസിസ് ജോർജ്; അക്കൗണ്ട് വിവരങ്ങൾ പരസ്യപ്പെടുത്തി സുതാര്യമായ പ്രവർത്തന ഫണ്ട് ശേഖരണം – വിശദാംശങ്ങൾ വായിക്കാം.

മറുവശത്ത് സംസ്ഥാനത്ത് അധികാരം കയ്യാളുന്ന എൽഡിഎഫും, കേന്ദ്രത്തിലും രാജ്യത്തെ ഭൂരിപക്ഷം സംസ്ഥാനങ്ങളിലും അധികാരം കയ്യാളുന്ന ബിജെപിയും എൻഡിഎയും പണം ഒഴുക്കിയുള്ള പ്രചരണമാണ് നടത്തുന്നത്. കോട്ടയം പാർലമെന്റ് മണ്ഡലത്തിലും സ്ഥിതി വ്യത്യസ്തമല്ല. ഇടതു സ്ഥാനാർത്ഥിയായ തോമസ് ചാഴികാടനും ധനാഢ്യതയുടെ പകട്ടിൽ പ്രചരണമാമാങ്കം നടത്തുമ്പോൾ മുണ്ടു മുറുക്കിയുടുത്ത് ജനങ്ങളിൽ വിശ്വാസം അർപ്പിച്ചാണ് യുഡിഎഫ് ക്യാമ്പ് മുന്നോട്ടുപോകുന്നത്. ജനങ്ങളിൽ നിന്ന് ലഭിക്കുന്ന ആവേശപൂർവ്വമായ പ്രതികരണം മാത്രമാണ് ഇവർക്ക് മുന്നിലുള്ള ഊർജ്ജ സ്രോതസ്സ്.

പ്രചരണ പരിപാടികൾക്ക് സുതാര്യമായ രീതിയിൽ ധനസമാഹരണം നടത്തുവാൻ ജനങ്ങളോട് എളിയ നിലയിലുള്ള സംഭാവനകൾ അപേക്ഷിച്ചു രംഗത്ത് വന്നിരിക്കുകയാണ് കോട്ടയത്തെ യുഡിഎഫ് സ്ഥാനാർത്ഥി അഡ്വക്കേറ്റ് ഫ്രാൻസിസ് ജോർജ്. ഇതിനായി സ്റ്റേറ്റ് ബാങ്ക് ഓഫ് ഇന്ത്യയിൽ ആരംഭിച്ച അക്കൗണ്ട് വിവരങ്ങൾ അദ്ദേഹം ഫേസ്ബുക്ക് പോസ്റ്റിലൂടെ പരസ്യപ്പെടുത്തിയിട്ടുണ്ട്. അഭ്യുദയകാംക്ഷികളിൽ നിന്ന് എളിയ സംഭാവനകൾ സ്വീകരിച്ച് പ്രവർത്തനം മുന്നോട്ടു കൊണ്ടുപോകാനാണ് സ്ഥാനാർത്ഥി ലക്ഷ്യമിടുന്നത്. കോട്ടയത്തെ യുഡിഎഫ് സ്ഥാനാർത്ഥി അഡ്വക്കേറ്റ് ഫ്രാൻസിസ് ജോർജിൻറെ അക്കൗണ്ട് വിവരങ്ങൾ ചുവടെ ചേർക്കുന്നു.

Account Number : 42825583254, IFSC: SBIN0070182, SBI, Kottayam Town Branch, Name : Francis George