ലയത്തിൽ സൂക്ഷിച്ചിരുന്ന കുതിരകൾ വിരണ്ടോടിയത് ദേശീയപാതയിലേക്ക്; വാഹനങ്ങളുമായി കൂട്ടിയിടിച്ച് ഒരു കുതിര ചത്തു; അപകടത്തിൽ പെട്ട ബൈക്ക് യാത്രികൻ ഗുരുതര പരുക്കേറ്റ് ആശുപത്രിയിൽ: സംഭവം പാലക്കാട്.

പാലക്കാട്: രാത്രി ലയത്തില്‍ നിന്നും കുതിരകള്‍ ഇറങ്ങിയോടി. കുതിരാനു സമീപം ഇരുമ്ബുപാലത്തെ സ്വകാര്യ ഹോഴ്‌സ് റൈഡിങ് അക്കാദമിയിലെ കുതിരകളാണ് ഇറങ്ങിയോടിയത്. ബുധനാഴ്ച രാത്രി 11നാണ് സംഭവം. കാട്ടാനയുടെ ശബ്ദം കേട്ടു പരിഭ്രാന്തരായ ഏഴ് കുതിരകള്‍ ചാടിപ്പോവുകയായിരുന്നു.

ദേശീയപാതയിലൂടെ ഓടിയ കുതിരകളില്‍ മൂന്നെണ്ണത്തിനെ വാഹനങ്ങളിടിച്ചു. ഒരു കുതിര ചത്തു. ഒന്നിന്റെ നില ഗുരുതരമാണ്. കുതിരയുമായി ഉണ്ടായ കൂട്ടിയിടിയില്‍ ബൈക്ക് യാത്രക്കാരനു ഗുരുതര പരുക്കേറ്റു. പട്ടിക്കാട് തെക്കുംഭാഗം മേലേവീട്ടില്‍ നിതീഷ് കുമാറിനാണ് (21) പരുക്കേറ്റത്. ഇയാളെ തൃശൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. മേലേചുങ്കത്തായിരുന്നു അപകടം.