ഗുരുവായൂര്‍ ക്ഷേത്രത്തിന് കാണിക്കയായി ലഭിച്ച ഥാര്‍ ഇനി എറണാകുളം സ്വദേശി അമല്‍ മുഹമ്മദിന് സ്വന്തം. 15,10,000 രൂപയ്ക്കാണ് അമല്‍ മുഹമ്മദ് ഥാര്‍ സ്വന്തമാക്കിയത്. 15 ലക്ഷം രൂപയാണ് വാഹനത്തിന്റെ അടിസ്ഥാന വിലയായി നിശ്ചയിച്ചിരുന്നത്. ഒരാള്‍ മാത്രമാണ് ലേലത്തില്‍ പങ്കെടുത്തത്.
ബഹ്‌റൈനില്‍ ബിസിനസ്സ് ചെയ്യുകയാണ് അമല്‍ മുഹമ്മദ്. ഭഗവാന്‍ ഗുരുവായൂരപ്പനോടുള്ള സ്നേഹം കൊണ്ടാണ് അമല്‍ കാര്‍ സ്വന്തമാക്കാന്‍ തീരുമാനിച്ചത് എന്ന് അദ്ദേഹത്തിനായി ലേലത്തില്‍ പങ്കെടുത്ത സുഹൃത്ത് മാധ്യമങ്ങളോട് പറഞ്ഞു. മറ്റാരും ലേലത്തില്‍ പങ്കെടുക്കാനെത്തിയില്ലെന്നും അതിനാല്‍ തന്നെ വേഗത്തില്‍ അമലിന് കാര്‍ സ്വന്തമാക്കാന്‍ കഴിഞ്ഞെന്നും ദേവസ്വം ബോര്‍ഡ് ചെയര്‍മാന്‍ അറിയിച്ചു.
കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക.
Whatsapp Group | Google News |Telegram Group
