മലയാളികളുടെ പ്രിയപ്പെട്ട നടന്മാരില് ഒരാളാണ് കുഞ്ചാക്കോ ബോബൻ. കുഞ്ഞുകുട്ടികള് മുതല് മുതിർന്നവർ വരെ ചാക്കോച്ചൻ എന്ന് സ്നേഹത്തോടെ വിളിക്കുന്ന നടൻ.ഇപ്പോഴിതാ, ചാക്കോച്ചന് അല്പ്പം വെയ്റ്റുള്ള ഒരു പേരു കൂടി നല്കിയിരിക്കുകയാണ് ഒരു കുട്ടി ആരാധിക. സമൂഹമാധ്യമങ്ങളില് ഈ വീഡിയോ വൈറലാവുകയാണ്.
തങ്കം എന്നു വിളിക്കുന്ന മഴ മിത്രയെന്ന കൊച്ചുമിടുക്കിയാണ് ചാക്കോച്ചന്റെ പേര് ഒന്നു പരിഷ്കരിച്ചിരിക്കുന്നത്. ചാക്കോച്ചന്റെ അഭിമുഖം ടിവിയില് കണ്ട് കുഞ്ഞു തങ്കത്തോട് അമ്മ ചോദിക്കുകയാണ് “തങ്കം ആരാ ഇത്?””ഭൂലോകം സൃഷ്ടിച്ച കർത്താവിനു സ്തുതി!” എന്നചാക്കോച്ചന്റെ സമീപകാലത്ത് ഹിറ്റായ സ്തുതി പാട്ടു പാടി ആളെ തനിക്കു മനസ്സിലായെന്ന് കുഞ്ഞു തങ്കം പറയുന്നു.
“ആള്ടെ ശരിക്കുമുള്ള പേര് എന്താ?” എന്ന് അമ്മ വീണ്ടും തിരക്കുമ്ബോഴാണ് തങ്കം ആ കടുക്കട്ടി പേരെടുത്ത് കാച്ചുന്നത്, “കുഞ്ചാപ്പാ ഗോദൻ!”.ചാക്കോച്ചൻ ആരാധകർ ഞങ്ങളോട് ക്ഷമിക്കണം എന്ന അടിക്കുറിപ്പോടെയാണ് കുട്ടിയുടെ അമ്മ ഈ വീഡിയോ ഷെയർ ചെയ്തിരിക്കുന്നത്.
