ഓടിക്കൊണ്ടിരുന്ന കാർ കിണറ്റിലേക്കു വീണുണ്ടായ അപകടത്തില് നവദമ്ബതികള് രക്ഷപ്പെട്ടത് അത്ഭുതകരമായി. കൊട്ടാരക്കരയില് നിന്നും ആലുവയിലേക്ക് പോകുകയായിരുന്ന ദമ്ബതികളാണ് അപകടത്തില്പ്പെട്ടത്.എറണാകുളം കോലഞ്ചേരി പാങ്കോട് ചാക്കപ്പൻ കവലയ്ക്കു സമീപമാണ് ഇന്നലെ രാത്രി അപകടം ഉണ്ടായത്.15 അടി താഴ്ചയുള്ള കിണറ്റിലേക്കാണ് കാർ വീണത്.
ആലുവ കൊമ്ബാറ സ്വദേശികളുമായ കാർത്തിക് എം അനില് (27), വിസ്മയ (26), എന്നിവരാണ് കാറിലുണ്ടായിരുന്നത്. കാർ വീഴുമ്ബോള് കിണറ്റില് 5 അടി ഉയരത്തില് വെള്ളമുണ്ടായിരുന്നു. കാർ റോഡിലെ ചപ്പാത്തില് ഇറങ്ങിയപ്പോള് നിയന്ത്രണം വിടുകയായിരുന്നു. തുടർന്ന് കിണറിന്റെ സംരക്ഷണ ഭിത്തി തകർത്ത് കാർ ഉള്ളിലേക്ക് വീണു. കിണറില് വെള്ളം കുറവായതിനാലാണ് വൻ ദുരന്തം ഒഴിവായത്.
അവരുടെ കെെ പിടിക്ക്… കിണറിലേക്ക് പതിച്ച കാറിൽനിന്നും പുറത്തേക്ക് വരുന്ന ദൃശ്യങ്ങൾആരെങ്കിലും അവരുടെ കെെ പിടിക്ക്… കിണറിലേക്ക് പതിച്ച കാറിൽനിന്നും യാത്രക്കാർ രക്ഷപ്പെട്ട് പുറത്തേക്ക് വരുന്ന ദൃശ്യങ്ങൾ. എറണാകുളം കോലഞ്ചേരിക്ക് സമീപം പാങ്കോട് കവലയിലാണ് ഓടിക്കൊണ്ടിരുന്ന കാർ നിയന്ത്രണം വിട്ട് കിണറിലേക്ക് പതിച്ചത്.
Posted by MediaoneTV on Friday, October 11, 2024
അപകടം നടന്നതിനു പിന്നാലെ ദമ്ബതികള്ക്ക് കാറിന്റെ ഡോർ തുറക്കാൻ സാധിച്ചതിനാല് രക്ഷാപ്രവർത്തനം എളുപ്പമായി. നാട്ടുകാരുടെയും പട്ടിമറ്റം അഗ്നിരക്ഷാ നിലയത്തിലെ ജീവനക്കാരുടെയും സഹായത്തോടെ യാത്രക്കാരെ പുറത്തെടുക്കുകയായിരുന്നു. ഇരുവരുടെയും പരുക്ക് ഗുരുതമല്ല. കാറിന് സാരമായ കേടുപാടുകളുണ്ട്. കാർ പിന്നീട് ക്രൈയിൻ ഉപയോഗിച്ച് പുറത്തെടുത്തു.
