വേഷംമാറി കഞ്ചാവ് പിടിക്കാൻ എത്തി; കള്ളന്മാരാണെന്ന് തെറ്റിദ്ധരിച്ച് പോലീസുകാർക്ക് നാട്ടുകാരുടെ ക്രൂരമർദ്ദനം.

ഭുവനേശ്വര്‍: കള്ളന്മാരാണെന്ന് തെറ്റിദ്ധരിച്ച്‌ പോലീസുകാര്‍ക്ക് ക്രൂരമര്‍ദ്ദനം. ഒഡീഷയിലെ കോരപുട്ട് ജില്ലയില്‍ മതിഖാല്‍ ഗ്രാമത്തിലാണ് സംഭവം. കഞ്ചാവ് കടത്തിനെക്കുറിച്ച്‌ വിവരം ലഭിച്ചതിന്റെ പശ്ചാത്തലത്തില്‍ പരിശോധനയ്‌ക്കായി എത്തിയ പോലീസുകാരെയാണ് നാട്ടുകാര്‍ മര്‍ദ്ദിച്ചത്.

മച്ച്‌കുണ്ഡ് സ്‌റ്റേഷനിലെ പോലീസുകാര്‍ സാധാരണ വേഷമണിഞ്ഞ് അര്‍ദ്ധരാത്രിയായിരുന്നു എത്തിയത്. ഇതാണ് കൊള്ളക്കാരാണെന്ന് സംശയിക്കാന്‍ ഇടയാക്കിയതെന്ന് കരുതുന്നു. ഗോത്രമേഖലയിലാണ് സംഭവമുണ്ടായത്.