കേരളത്തിലെ യുഡിഎഫ് 11, എൽഡിഎഫ് 6, ബിജെപി 3; ദേശീയതലത്തിൽ കോൺഗ്രസ് ഇടിഞ്ഞു താഴുമ്പോൾ ബിജെപിക്ക് വൻ മുന്നേറ്റം: ഇന്ത്യ ടിവി സി എൻ എക്സ് എറ്റവും പുതിയ അഭിപ്രായ സർവേ ഫലം വായിക്കാം.

ലോക്സഭ തിരഞ്ഞെടുപ്പില്‍ ബി ജെ പി നയിക്കുന്ന എന്‍ ഡി എ സഖ്യം ആകെയുള്ള 543 ലോക്‌സഭാ സീറ്റുകളില്‍ 399 സീറ്റുകള്‍ നേടിയേക്കുമെന്ന് ഇന്ത്യ ടിവി-സിഎന്‍എക്സ് അഭിപ്രായ സർവ്വേ. ഇപ്പോള്‍ തിരഞ്ഞെടുപ്പ് നടന്നാല്‍ ബി ജെ പി മാത്രം 342 സീറ്റുകള്‍ നേടുമെന്നും സർവ്വെ അവകാശപ്പെടുന്നു. പ്രതിപക്ഷമായ കോണ്‍ഗ്രസ് നേതൃത്വത്തിലുള്ള ഇന്ത്യ സഖ്യം 94 സീറ്റുകള്‍ നേടിയേക്കാമെന്നും സർവ്വെ പറയുന്നു.

തൃണമൂല്‍ കോണ്‍ഗ്രസ് ഇല്ലാതെയാണ് 94 സീറ്റുകള്‍ ഇന്ത്യാ സഖ്യത്തിന് ലഭിക്കുക. തൃണമൂല്‍ കോണ്‍ഗ്രസ്, വൈ എസ് ആർ സി പി, ബി ജെ ഡി, സ്വതന്ത്രർ എന്നിവരുള്‍പ്പെടെ മറ്റുള്ളവർക്ക് ബാക്കി 50 സീറ്റുകള്‍ ലഭിക്കുമെന്നും അഭിപ്രായ സർവേ വ്യക്തമാക്കുന്നു. മാർച്ച്‌ 1 നും 30 നും ഇടയിലാണ് 543 മണ്ഡലങ്ങളിലും അഭിപ്രായ വോട്ടെടുപ്പ് നടത്തിയെന്നാണ് ചാനല്‍ അവകാശപ്പെടുന്നത്. മൊത്തം 179190 പേർ സർവ്വേയില്‍ പങ്കെടുത്തു. ഇതില്‍ 91100 പുരുഷന്മാരും 88090 സ്ത്രീകളും ഉള്‍പ്പെടുന്നു.