അഞ്ചുവട്ടം എംഎൽഎ, രണ്ടുവട്ടം മന്ത്രി, ഒരുവട്ടം സ്പീക്കർ; അവിവാഹിതൻ, അമ്മയോടൊപ്പം താമസം: ആലത്തൂരിൽ സ്ഥാനാർത്ഥിയായ മന്ത്രി കെ രാധാകൃഷ്ണന്റെ ആസ്തി വിവര കണക്കുകൾ നിങ്ങളെ അമ്പരപ്പിക്കും; വിശദാംശങ്ങൾ വായിക്കാം.

2011 ലും ചേലക്കരയില്‍ നിന്ന് അദ്ദേഹം തിരഞ്ഞെടുക്കപ്പെട്ടു. 2016 ല്‍ മത്സരിച്ചില്ല. 2021 ല്‍ വീണ്ടും എം എല്‍ എയായ രാധാകൃഷ്ണനെ തേടി രണ്ടാമതും മന്ത്രിപദവിയുമെത്തി. അഴിമതിയുടെ കറപുരളാത്ത നേതാവ് എന്നാണ് രാധാകൃഷ്ണന്റെ വിശേഷണം. രണ്ട് തവണ മന്ത്രിയും അഞ്ച് തവണ എം എല്‍ എയുമായിട്ടും തേക്കുക പോലും ചെയ്യാത്ത ചെറിയ വീട്ടില്‍ അമ്മക്കൊപ്പമാണ് രാധാകൃഷ്ണന്റെ താമസം.

പൈലറ്റ് വാഹനവും എസ്‌കോര്‍ട്ടുമില്ലാത്ത മന്ത്രിയായ നാട്ടുകാരുടെ രാധേട്ടന് ലാളിത്യവും ജനകീയതയുമാണ് മുഖമുദ്ര. 2021 ലെ നിയമസഭാ തിരഞ്ഞെടുപ്പില്‍ തിരഞ്ഞെടുപ്പ് കമ്മീഷന് സമര്‍പ്പിച്ച സത്യവാങ്മൂലം പ്രകാരം 3497780 രൂപയാണ് രാധാകൃഷ്ണന്റെ ആസ്തി. 4,91,392 രൂപയുടെ ബാധ്യതയും ഉണ്ട്.

അമ്മയുടേയും തന്റേയും പേരിലായി ഒരു ലക്ഷം രൂപയുടെ നിക്ഷേപമുണ്ട് എന്നാണ് കാണിച്ചിരിക്കുന്നത്.കൈരളി ടിവിയില്‍ 10000 രൂപയുടെ ഓഹരിയും രാധാകൃഷ്ണന്റെ പേരിലുണ്ട്. സ്വന്തമായി വാഹനമോ സ്വര്‍ണാഭരണമോ ഇല്ല. അമ്മയുടെ പേരില്‍ 11 ഗ്രാമിന്റെ മാലയും നാല് ഗ്രാമിന്റെ കമ്മലും ഉണ്ട്. ഇതിന് 63000 രൂപ മൂല്യം വരും എന്നാണ് അന്നാണ് സത്യവാങ്മൂലത്തില്‍ പറഞ്ഞിരിക്കുന്നത്. രാധാകൃഷ്ണന്റെയും അമ്മയുടേയും പേരില്‍ ആകെ 17,90,000 രൂപയുടെ കാര്‍ഷിക ഭൂമിയും കാര്‍ഷികേതര ഭൂമിയും ഉണ്ട്.

16 ലക്ഷം രൂപയുടെ താമസയോഗ്യമായ കെട്ടിടവും തന്റെ പേരിലുണ്ട് എന്നാണ് സത്യവാങ്മൂലത്തില്‍ പറഞ്ഞിരിക്കുന്നത്. എം എല്‍ എ ശമ്ബളമാണ് വരുമാന മാര്‍ഗം എന്നാണ് രാധാകൃഷ്ണന്‍ പറയുന്നത്. ആശ്രിതയായ അമ്മക്ക് കൃഷിയില്‍ നിന്നും പെന്‍ഷനില്‍ നിന്നുമാണ് വരുമാനം ലഭിക്കുന്നത്. രാധാകൃഷ്ണന്‍ അവിവാഹിതനാണ്.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക